Chedaol ruol ra templo me a telbiil a meskau a klou el techall el kirel a klengeltengat er a Dios

A chedaol klisiich a sengk er a klemedengei me a klisiich. Ngara ikel chedaol ruol me a chedaol klisiich er a templo, e ke nguu a ngklel a Osobel. Ke yaksok elmo oltirakl er a Dios, kongei elmo meruul a Urungulel, kiei loltirakl er a ebangkelio ra Jesus Kristo, oltirakl er a lechul a delboes el delngerengel, e ieklii—malechub e moterkeklii—a klengar er kau me a rokui el tekoi el Dios a mla meskau el mora Ikelesia er Ngii. A ikaikid a mle telbilem. A Dios a yaksok elmo omekngeltengat er kau loba klou el llomes, selbechakl, e techall el mora klisichel. Ngii a dirrek el yaksok elmo meskau a diak a ulebengelel klengar lobengkel. Ea obengkel tial chedaol klisiich, e ke nguu a chedaol el lemeltem loubail a bilel a cheledaol el priesthood. Tial bail a olengchelel a Jesus Kristo e omeklatk er kau ra telbilem er a templo.

Sel lomerenged ra templo a oldak er a robekel me a re telungalk el mora diak a ulebengelel. Ngarsel chedaol ruol ersel lomerenged ra templo, e kau me a bechim a kutmokl a telbiil lobengkel a Dios me a ta me a tang. Kau a mo yaksok elmo erungel el meral chedal a Dios me a ta me a tang, e mo kau beltikelreng e mesiou ra delongeliu, e mo dmak loureor el mengeluolou a llechul a Dios. Tiaikid ea telbiliu. A Dios a yaksok el kmo a delongelem kau ma bechim me a rengelekem a sebechel melmolm elmo cherechar. Ngii a dirrek el yaksok el kmo kau a sebechem el nguu sel ngarbab el deureng lobengkel er sel kot el renged sel mongeluolou a telbilem. Tial klengeltengat a lomekedong er ngii el ngarbab el klebkall.

Blechoel loba sel kengei ra mora templo. Mesang a tara chedal a bisop me mnguu a kengei. Ngmo oker er kau a ker el kirel a kmo ke mekerang sel mkiei ra ikel lechul a Rubak e bom siseb er a chedaol blil. Blechoel lomes a ikal ker. (Ng sebechem el metik a ikang er sel appendix er tial kerebai.) Molmuut me alsekum e ke kiei ra eroid er a templo, e mesa tial kengei lolechotel a beltkil a rengum el mora Rubak me a dechal a rengum el kiei loltirakl a lechul,

Blechoel mora templo sel bol sebechem. Me kobang a kengei ra templo, eng sebechem el soiseb er a blil a Rubak e mo metecholb e moterkokl el kirir a re beldekem, meng mo sebecherir el ngmai a klengeltengat el kau a mla ngmai. Mosiik a bek el techall el soiseb er a templo. Mosiik er a Rubak er a chelsel a Blil. Mosiik er Ngii er a chedaol ruol, me a olangch, me a Reng el molchesuar. Kemo metik er Ngii.

Mketmeklau elmo kutmokl a telbiil er a elsel a blil a Rubak. A tara kot el ungil rolel eng mekedmokl tiang a sel mongeluolou a telbilem er a ometecholb. Mrelii mel tara kerebil a moktek er kau elmo melai a chedaol ruol ra templo e mo melmolm el mengeluolou a telbiil. Momuchel er chelechang el kiei el ngara llach el kau a mo yaksok loltirakl ra elsel a templo: oltirakl a lechul a Dios, mo chuarm, me a ebangkelio ra Jesus Kristo, lechul a delboes el delengerengel, me a mechedaol. A telungalk er kau, bisop, me a rebebil ra re meredel er a Ikelesia a sebechir el ngosukau.

Ng sebechem elmo uai ea Jesus Kristo. Ngii a mo ngosukau elmo mesisiich loltirakl er a llemalt. Chedaol ruol ra templo me a telbiil a mo osisecheklau el mekerang a bom siseb elmo ra medal a Dios e mnguu a diak a ulebengelel klengar lobengkel.

Kemo bliull er a klisichel a Dios. Telbiil ra templo a mei lokiu a yaksok el kmo a klisiich me a klebkelel a Dios a mobengkem. A re anghel er Ngii a mo mengkar er kau.

A taem el ngara templo a mo oiuelau el lmuut elmo kmeed er a Jesus Kristo me a Chedaol Reng. Kemo omelchesiu er a budech me a ulengelel a Dios. Kemo ungil rongesii sel longedecheduch. A babeluades a mo outkeu er kau, e kau a lmuut el mo ungil medengei a rolel. Ng morngii a klou el klisiich el mobang sel mchebangel a ringel leng rengum lulech elmo re Ngii.