A chedaol ruol me a telbiil a meskau a techall el ngmai a klengeltengat er a Dios

Chedaol ruol a mekrolau el bedul a Jesus Kristo. A chedaol ruol a cheledaol lomeruul lobengkel a ulecholt a belkul el tekoi lolsisechakl el kirel a Jesus Kristo. Sel sakrament, a domes er ngii, a diak el dil blauang me a ralm. Ng mekletkid er a Osobel.

A telbiil a olechotel a beltikelreng, klaumerang, me a longerchiil a Dios. A ikang a rulii a delongelem me a Dios el lmuut el mo dmolech. A mengetmokl a telbiil a ochotii el kmo kau a betik a rengum er a Dios e oltirakl er Ngii. Kou merang er Ngii, e Ngii a sebechel loumera er kau. Ngokiu seikid el dmolech el dechal a reng a meskau a klou el techall el ngmai klisichel me a ngeseu sel sekum e ke mengeluolou a telbiil.

Kau a kutmokl a telbiil lobengkel a Dios sel sekum e ke metecholb e moterkokl me sel molai er a sakrament. Sel metecholb, e ke yaksok el mo nguu a ngklel a Jesus Kristo, mesiou er Ngii, e mengeluolou a Llechul ra klengar er kau el rokir. Sel temel a chedaol belsoil, e kau a yaksok el blechoel el melatk er Ngii. A ikaikid a telbilem. Mesel mkengei el mengeluolou, ea Dios a yaksok el meskau a Chedaol Reng el mo blechoel keldemem.

Momes er a sakrament el chedaol sengk. Mochotii a dechal a rengum el mora Jesus Kristo el meruul er a chedaol el blekeradel sel temel a sakrament. Momtab a sebechem el remuul el rulii tial chedaol ruol mel tokubets el tekingel a reng ra sils er kau el tal sandei.

Momes el bedul Osobel er a ikal chedaol ruol. Sel momes malechub e ke meruul ra chedaol ruol, dil kau loker, “Ngera ksubii er tiang el kirel a Jesus Kristo?” malechub “Tiang mekerang a le ngikak el mo kmeed er Ngii?” Momtab el kmo a Reng ngera ngosischeklii er kau.

Bechei a telbilem me lomekrael a omerelem. Sel sekum e ngarngii a tekoi el bo moruul er ngii, molatk a telbilem el mora Dios. Blechoel kmo Ngii. Dil kau loker er kau: Tiang ta besul ngii me a telbilek? El ua tiang, ngak ak betik a renguk e oldingel ra re bebil, mengelaod ra rechad lousbech ongelaod, e dechor el sioning er a Kristo—ra ngidil ker e di melmolm?

Kau a sebechem el nguu a klisiich el mo mesisiich ra ongetikaik, delengerengel, me a ongarem er a klengar. A mengetmokl e mengeluolou a telbiil a meskau a techall el nguu a klisichel a Dios. Ngokiu tial klisiich, e ke obangel a ngidil tekoi loba kelou el reng. A Jesus Kristo a klisichem!

Ng sebechem el mo klikiid e mousubes a kngtim. Ngobengkel a yaksok er a Dios leko er kau el mengeluolou a telbilem ra ometecholb a bla lousubes a kengtim. Ng belkul a kmo sel mouchel e mengeluolou a telbilem el mora Dios, e Ngii a mo ousubes er kau e ngosukau el moungil.

Ng sebechem loba Chedaol Reng el di blechoel el obengkem. A tara telbiil lulech el mora techolb chelid me a sakrament a sel mekdekudem el Reng er Ngii el keldemed me a re anghel loldingel. Ng diak el kirem el di kau el tang el chelbangel a ringel. A Dios a direkak a tal taem e bolikerterir a Rengelekel ra telbiil—ng diak mobes er ngii el tekoi.

Ng sebechem el ngmai a ngeseu er tirkel chedal a Dios ra telbiil. Kau a chedal sel chelchad er a rechad ra telbiil er a chelsel a Ikelesia ra Osobel. Kau a melisiich e mengelechel er a derta er tir. Kom dmak el ngara klengitelreng e dmak loldeu a rengmiu. Kom dmak loltekau a chellengeliu. A telungalk, bisop, meredelem, me a re bebil ra rechedal a Ikelesia a ngarngii lolengeseu er kau, e kau a sebechem el lolengeseu er tir,