Ke ngeltengat el lokiu ra priesthood me a klisiich

Rokui el kiis ra priesthood me a klisiich a mei lokiu a Jesus Kristo. A re bekl loba priesthood a sebechir lomdid er a klisichir elmo er Ngii. A Osobel a omes el kmong techang a nguu tial klisiich e techang a nguu a kiis er a priesthood. Kede oumerang er a cherungel el klaudengei er Ngii.

Jesus Kristo a mla lutii a priesthood er Ngii er chelechal temed. Ngii a omtebechel a usbechellel a priesthood. Adam, Moses, Petrus, me a re betok el profet er a reksii rokir a ngiluu a kiis ra priesthood. Chelechal temed, a Joseph Smith a ngiluu a kiis er a priesthood er a Johanes el Techolb, Petrus, Moses, Elias, Elijah, me a rebebil. A rechedal a First Presidency me a Chelchad ra Teruich ma terung el Apostol a olab a kiis ra priesthood el ngar tial beluulechad er chelechal taem. A re meredel ra priesthood me a chelechad ra priesthood a dirrek lolab a kiis ra priesthood er a ikel lokodongir. A kiis er a priesthood a mengetmokl a urerel a Dios. Tir a kongei e melisiich er a re sechal me a redil elmo olengeseu el kirel seikid el lureor.

A klisichel a priesthood a omekngeltengat er a rokui el ngelekel a Dios. A priesthood el mla moluut a uchu, e kau a sebechem el ngmai a chedaol ruol e kutmokl a telbiil lobengkel a Dios. Kau a sebechem el mengetmokl lokiu a ngklel a Dios sel mnguu ngerechelem malechub eng okedong ra chad el loba klisiich.

Mkengei ra okedong ra Ikelesia e mungil mesiou. Sel mnguu a okedong ra Ikelesia, e ke moterekokl lokiu a klisiich el mlara Dios elmo mesiou er seikid el ngerachel. Kau a sebechem el ngmai a ulekrael el ngara Dios el kirel a omesiungem. Mesel mosiou, e kau a omtechei er a Jesus Kristo. Bsang sel kot el tkul er bab el kldachelbim.

Mosebechakl er tirkel Dios a mla omekedong er tir elmo mesiou. A mesebechakl a lmuut el ngaruchei er a di odersii chimam sel mokedong a ngakl ra chelsel a Ikelesia. Ng belkul ke mo mesebechakl e olengeseu. Mosiik a rael lochotii el kmo ke mesebechakl er a rechad el Jesus Kristo a mla mekedong er tir elmo mesiou ra Ikelesia er Ngii.

Motaut a ngerechelem el mlara re meredelem ra Ikelesia—luldimukl ra re mlara chelechad er kau malechub eng class presidency. Tir ea obang a klisiich el mlara Dios, el tir a nguu el meskau el kirel sel ngerechelem. Ke locha mo kirem loldingel ra kmung techang, outkeu ra rechad el me ra sakrament miting, malechub e ke olngeseu ra kmo ngerang. Diak el ior ra kmong ngerang el ngerachel, mesang el techall elmo mesiungel a Jesus Kristo e mesiou ra rengelekel a Dios.

Ng sebechem loumerang el kmo a ikal chedaol ruol el mngai a le kilngei a Jesus Kristo. Tiaikid a tara ikel tekoi el rulii a Ikelesia ra Jesus Kristo me ngodech. Ngokiu chedaol ruol ra priesthood, ea klisichel a Dios a desang.

Kau a mo dongu er a chimal a Rubak. Mesel mosiou er a Rubak loba Klisichel lokiu a dereder er a re Mesiungel loba kiis ra priesthood, e Ngii a mo ngosukau elmo medengei el kmo ng mekerang mosiou ra rebebil el kirel a Urerel. A Jesus Kristo a klisichem. A omesiungem a mo ngosukau elmo kmeed er Ngii e meskau a deurreng,