Ng sebechem lolngeseu er a urerel a Dios

A urerel a Dios me a klebkelel a lmuut el lokisau ra kodall me a diak a ulebengelel klengar. A diak luut el kodall a mo kiei el mo cherechar loba mla mekiis er a kodall el bedengem. Diak a ulebengelel klengar, malechub a ngarbab el klebkall, a mo uaia Dios e kiei lobengkel el diak a ulebengelel el telungalk. A ikal rokui a sebechel leng Jesus Kristo me a Tngakireng er Ngii a uchul. Ng sebechem loumerang er a Osobel.

Ng sebechem lolngeseu ra urerel a Dios sel bora Kristo e molengeseu ra re bebil el meruul a osisiu el tekoi. Ngidil taem el kau a rulii a ngidil tekoi el ngosuir a chad el moltirakl ra Jesus Kristo, e kau a olengeseu er a urerel a Dios.

Mkiei loltirakl er a ebangkelio. Molketek er a klaumerang er kau ra Jesus Kristo. Mouchel ra bekl el sils. Mngai a chedaol ruol ra priesthood er a Dios e mongeluolou a telbilem. Mrelii tial teletael me di el merko el kerebil a kengar kau

Omekerreu el kirir tirkel lousbech a ngeseu. Mosiik a rolel elmo mesiou e oldingel ra rebebil, luldimukl ra rechad er a blim, resechelim, me a buai. A tara ungil rolel el molengeseu ra rechad el ngesool a mo oltirakl er a lechul a olsengerengel e odars a tenget er a olsengerengel.

Mengemedaol ra rokui el nguu a ebangkelio. A tekingem me a omerellem bol lolchotel a klaumera er kau er a Jesus Kristo. E bom kldmokl el mouchais er a ngidil chad loker kau er a urungulem me a deureng el kau omelchesiu el Mesiungel. Mora rengeasek el sechal, ea mo mesiou el misionari a ngerachel er a priesthood. Mora rengeasek el redil, tiang a klou el techall; moluluuch elmo medengei alsekum a Rubak a soal a bo mosiou. Mongetmokl el mouchais er a ebangkelio ra klengar er kau el rokir.

Melmosem a telungalk el mora diak a ulebengelel el meruul ra reksii ra telungalk me a ureor ra templo. Bom modengelterir a re beldekem. Mosiik el kmong techang ousbech a chedaol ruol ra templo. Blechoel lomais el mora templo sel sebechem elmo metecholb e moterkokl el kirir. Alsekum kousbech a ngeseu, e bora FamilySearch.org.

Ke mo ngmai ngesou er a Dios. A Demad ra Babeluades a diak el longerchir kau el meruul er tial lureor el di kau. Ngii a obengkemiu. Sel moba kle ngariou el reng el mengoit a temem me a rengum, e Ngii a mo remuul a mengasireng el tekoi lokiu kau. A Jesus Kristo a klisichem!

Ko mo mui er a deureng. A urerel a Dios a ureor ra mui el deureng! Mesel bo moruul er ngii, e kemo melchesuar sel deureng el Ngii omelchesiu er ngii. Ka di momdasu er sel deureng el bom mou diukes er ngii kau ma Demad ra Babeluades me a Rengelekel el kau a ulengeseu el lobteterir elmo re Ngii!