Dios a soal el mengedecheduch lobengkem

A Reng a mekrolau el mora Demad ra Babeluades me a Jesus Kristo. Tiang a orechudel lurerel a Chedaol Reng. Ngii a dirrek el meklemsau elmo ouchel e moltirakl er a Jesus Kristo meng mo sebechem el nguu a klengeltengat er a Tngakireng er Ngii. Mesel mouchel, ea Reng a kikidau e ngosukau lobult.

A Chedaol Reng a mengedecheduch el mora uldesuem me a rengum. Klumech el ngara Reng a sebechel mei ra uldesuem lokiu a betok el rolel—ngokiu a ulekrael luldasu, uleklatk, bleketakl el klaudengei, me a reng lomtab ra mla memong el tekoi. A Chedaol Reng a sebechel mengedecheduch ra rengum lokiu a ikel molchesuar el ua ongelaod, kelou el reng, budech, beltikelreng, deureng, ngariou el reng, omereng el saul, me a uldelomel reng.

“Mnguu a Chedaol Reng.” A ikal tekoi a mildung er sera bom moterkokl elmo chedal a Ikelesia ra Kristo. Ng mekerang a mnguu a Chedaol Reng? Sel moltirakl a ikel losisecheklel a Jesus Kristo. Ngii a klisichem. Oltirakl er Ngii a olengit er a Chedaol Reng me leko ra klengar er kau.

Mosiik er a Demad ra Babeluades lokiu a nglunguuch. Mochotii a rengum elmo er Ngii. Moureng a sulel el kirel a betok e klebokel klengeltengat el Ngii a mla meskau. Mouchais elmo re Ngii ra deuil a rengum, ma obekikl, me a kerim. Bom chelelakl e morenges a ikel nger er Ngii, lekong el momelchesiu el budech, nguldasu ra elsel a uldesuem, malechub eng ngodurech elmo meruul ra kmong ngerang.

Mrengesii a Dios el ngara chedaol llechukl el mengedecheduch. A chedaol lechukl a tekingel a Dios leko er kau! Mosuub a ikang er a bekl el sils elmo metik er Ngii el melekoi e molchesuar ra beltikelreng er Ngii. Mesel monguiu, momtab er Ngii el ngerang locha ngolsisechakl er kau, e mluches a ikel molchesiu el lekong. Mrelii ra bekl el sils el ksei er kau el mesuub er a chedaol lechukl—tokuni a Babier ra Mormon—ra klengar er kau el rokir.

Mouedikel el kirel utebengall el reng el molai. Alsekum meng ngarngii er a uldesuem malechub a ultebengall elmo meruul ra kmong ngerang el ungil elmo omekngeltengat ra kmung techang, e mketmeklii! A rokui el lungil tekoi a ngara Dios el mei. Mochotii er a Demam ra Babeluades el kmo Ngii a sebechel loumerang er kau el moltirakl a ikel momtab el mla re Ngii.

A Chedaol Reng a mo mengelaod e omekrael er kau. Ngii a lodengelii el kmong Mengelaod. Ngii a molengeseu er kau ra taem er a ongarem. Ngii a mo ngosukau elmo medengei a bo molekoi malechub a moruul. Ngokiu Ngii el mengitikaik, e kau a sebechem el mesang a klekakerous er a klemerang me a blulak. Ngii a sebechel ngosukau el mesa ungil ra rebebil me kau. A Reng a sebechel dirrek el mengelechel er kau ra kengaol. Ngii a mo mekrael er kau el bedul a Jesus Kristo e mo eroid er a klengit.

Ng sebechem el nguu a sengk er a reng. Ng betok a sengk el Dios a omesterir a Rengelekel lokiu a Reng er Ngii. A bebil el beldukl er a chedaol lechukl a uldimukl ra ocholt, oumerang er a Jesus Kristo, olisechakl, omtab, me a llomes el reng. Moluluuch lolengit ra Demad ra Babeluades el kirel a sengk er a reng el Ngii a mla meskau, el mekerang a momekdubech, e Ngii ng mekerang a lsoal kau a mousbech a ikang lomekngeltengat er a re bebil.