A Jesus Kristo a mo ngosukau

Psalm 147:3

A Jesus Kristo a klisichem. Ngii a mla remuul a rokui el tekoi el usbechall el kirel a deureng er kau er tial klengar me a diak a ulebengelel. Sel molilt er Ngii me a ebangkelio er Ngii, e kau a melilt er a diak a ulebenglel el diulareng me a deureng.

Mesel blak a rengum el melilt a ungil, e sel bebil er a taem e ke mecheuid. Ke remuul a tekoi e oureng mel dimlak mruul. A rokui el chad a di uaisei. Sel dubech e tiang, eng beot elmo mesaul a rengum malechub e ke omdasu el kmo tiang locha diak el sebechem el mo ungil er ngii. Engdi ngarngii a ungil chais—klebokel, e ungil a rengud el kirel chais! Le uchul a Dios el betik a rengul er kau, Ngii a uldureklii a Ngelekel, Jesus Kristo, el Ngii a ngilai a kngtim me bol sebechem el mouchel kirel, e molemolem el mukeroul.

Diak a ulebengelel Klemerang

A Jesus Kristo a mo smisichau. Ngii a mo ngosukau el ngmodech a soam, uldesuem, me a omerellem. Sel omsimbai, medakt, malechub eng ngarngii a ngii dil omchetituokel er ngii, Ngii a mo sumecheklau. Ngii a mo ngosukau er a rokui el teletelel a klengar er kau. Ng sebechem el loumerang er Ngii.

A ouchel reng a diak el klsbengel a klengit; tiang a teletael el Osobel a ngubetid er a kngtid. A ouchel a belkul a mo mengodech—mo ikrii a klengit e mo chemau a Dios. Ng belkul a merael mo ungil e nguu a klausubes. Tial bedechel a mengodech a diak el dil tal el taem; tia di melemolem el teletael.

Ongit

Mrelii a Jesus Kristo mel moktek er a klengar er kau. Mosiik er a Ulengeseuir ra rokui el tekoi el moruul.

Ouchelreng. Bom chau ra Rubak loba klemeriar reng el merael moungil. Sel mrelii a kmong ngerang el cheleuid, bo mera louchais er medal a Dios sel kirel, mora bishop me a rokui el kau a locha tilmelterir. Bora rokui el sebechem el remuul a tekoi el mo melemalt.

Moutkeu er a sengk el mo meruul a tekoi el moungil. Molmuut er sel diak el beot el sal kmal kemangel a taem er sel kuk soam, lak meterob el melasem. Di moureor e moumerang er a Rubak. Ngii a mo ngosukau er a bek el blekeklem.

Jesus el dengchokl er a ido lobengkel a redil ra Samaria.

Miltib el Klengeltengat

A Jesus Kristo a mo ousubes e momekungil sel bo mouchel a kngtim. Ngii a mo mtechir a ouchel er kau loba budech me a deureng. Ngii a dikea luut el mo melatk a kngtim. Jesus Kristo ea klisichem, e okiu ersel Klisichel, ea klemeriar reng er kau el mengereomel a Lechul a meleketek.

Ngii a mo ngodechii a rengum me a klengar er kau. Ea cherengel a taem, e kau mo mukeroul e mo uai Ngii.

Ker me a Nger

Ak mekera e medengei el kmo a Dios a mla ousubes er ngak? A Dios a yaksok el mo ousubes er tirkel tir a mouchel er a kngterir. Sel mo melchesiu er a ongelaod er a Reng, eng sebechem el medengei el kmo sel klisichel a tngakireng er a Osobel a oureor er a elsel klengar er kau.

Ng oingerang e ak ousbech a ngesou er a bisop el mo ouchel a renguk? A bisop er kau a olab a kisel a priesthood me a chedaol sengk el mo ngosukau el mouchel ra rengum. Ng sebechem el mosiik a ngesou me a osisechakl er a ngii di el taem. Alsekum e ke mla remuul a meklou el cheleuid, el uai ea tomelii a llechul a klikiid, e bo mesa bisop er kau. Ng diak lolebeakl er kau. Ngii a omtechei er a Jesus Kristo meng mo ngosukau el mo meduch el meral mouchel er a kngtim e nguu a omekungil me a omelisiich el klisichel Osobel.

Ak melasem el mouchel a renguk, eng di ak di blechoel el rulii osisiu el cheleuid. Ak mo mekerang? Lak kom kimer. Mobult el mora Kristo, e bo moumerang er Ngii. A krasia er Ngii a sebechel. Mluut el melasm. Kau a diak a tang mel dil kau er a urerem el mereael moungil. A Jesus Kristo a di blechoel el obengkem.

Mesa Enos 1:6 (a ringelel a bdelud ra kngtid a sebechel mengai el morcheroid); Mosiah 4:3 (lokiu Chedaol Reng, ea Dios a ouchais el kmo ng mla ousubes er kau); 26:30 (A Osobel a blechoel lousubes sel douchel a kngtid); Ether 12:27 (a krasia er a Osobel a sebechel remuul a chelitechetud el mo klisiched); Moroni 6:8 (tirkel mouchel a kngterir a mo nguu a klausubes); 10:32 (bom cherrungel er a Kristo); Doctrine and Covenants 1:32 (a Rubak a ousubes er tirkel mouchel ra kngterir); 58:42–43 (a ouchel reng a uldimukl a ocholt e mocheroid er a klengit.

Ker el kirel a Kengei el mora Templo

Ngar er ngii a klaumera er kau er a Tngakireng er a Jesus Kristo me a Urerel el Osobelem e Olsobel?
Ngarngii a oberaod el klengit er a klengar er kau el ngii a kirel mo mesmechokl lobengterir a remerredel loba priesthood el telengtengil a ouchel reng el kirem?