Klumech er a First Presidency

Betik a rengmam er kemiu, e oumerang er kemiu. Kemiu a meral bebil er a rengellitel el reng er a Chedam er a Babeluades, el mlodurokl el mera beluulechad er chelechal time el mo meruul a meklou a ultutelel tekoi.

Kau a mesisiich e lmuut el sebechem e betok el tekoi. Esel sekum meke ultuil er a Osobel, ea klisichem a lmuut el mukeroul. Ngii a “klisichir a rengeasek.”

Tial kerebai a mo ngosukau el mekdebechii a mesisiich el dodai el melilt el mo merael er a rael el mekrolau el mora diak a ulebengelel klengar. Ng mo ngosukau el meruul a chedaol telbiil er a chelsel a templo, mengetmokl el mo mesiou, e metik a deurreng sel moltirakl er a Jesus Kristo er a klengar er kau el rokir. Ng klou a ngerchelem er a chelsel a Ikelesia er Ngii. Jesus Kristo a mo ngosukau el toketek a moktek er Ngii el kirem.

Aki medengei el kmo a Dios a ngar. Nglungucham el kmo kau a kiei el lultab ersel rael ra telbiil—sel rael ra mengetmokl e mengereomel a chedaol telbiil lobengkel a Dios. Seikid ea rael el mekrolau el lmuut el mora Demam ra Babeluades. Sel moruul er tiang, e kau a mo ungil longetikaik er a ungil tekoi, omerk er a ebangkelio loba deureng, mengederodel ra rengelekel a Dios, e mengedmokl er a beluulechad el kirel Ongeru Lemei Osobel. Molatk: A Jesus Kristo a klisichem!