A klemerang a rullau el mo mimokl

A Chedam er a Babeluades a soal a re Ngelekel redil me a sechal el mo blechoel mesuub. Ngarngii a uchul me a klechad me a chedaol klengar er kau olechoud e soal a omesuub. A skuul a diak el dil kirel omengerker ludoud. Tiang a tebedechel a moktek el diak a ulebengelel omerael el di mo uai a Chedam er a Babeluades.

Kiei el ngara lemalt a belkul e ke betik a rengum er a ungil ra medal a Dios—el klou er sel kuk di ungil er kau, merael a chisem, malechub eng mededaes. Tia belkul a kmo ke meruul er a llemalt e lengii el melemalt.

Ngarngii omobal mekreos el bo molecholt er ngii. A ebangkelio er a Jesus Kristo a olab a nger el mora ker er a klengar. Ng rael el mora budech me a deureng. Ke locha diak modengei a rokui el tekoi, ngdi kau a ungil medengei el mo betik a rengum ra ngar bita er kau, ouchais a klemerang el suobel el mo er tir, e siotai er tir el lmuut el mesuub a betok.

Blechoel di mesuub. Momes a techall el mo menglou a klemedengei me a duch er kau. Aikal techall a sebechel uldimukl ra mui lomesuub el ngara skuul malechub e ke mesuub el meruul a ngerang, me a sebechel dikau el mesuub er a ikel ngarngii el modengei e oumerang. Mosisebii a Rubak er a omoruul, e Ngii a mo omekrael er kau.

Mosuub a klemerang ra reng. Mesel mosuub el kirel tial beluulechad el meliuekl er kau, e mosuub el dirrek el kirel Osobel, el ngii a milebii a beluulechad. Mosuub er a klengar er Ngii me a osisecheklel. Bom relii a seminary, institute, me a kuk di omesubem er a ebangkelio el mo tebedechel a omesubem er tial klengar er kau el rokir. Ng sebechel kutmeklau el mo mesiou e ouchais er a ebangkelio ra klengar er kau el rokir.

Kiei el ngara lemalt. Lak morechorech, omulak, mengeblad, malechub e koutingaol ra ngidil bedengel a teletael—a mngara skuul, ngara urerem, melidiul, ngidil ker. Di bo mosisiu el blak a rengum loltirakl er a Jesus Kristo er a buai me a blim.

Tekoi ra skuul a toketekii a decham el mo mesiou ra Rubak, luldimukl el misionarii. Ngii a msa klisichem el mo mekngeltengat er a rebebil, tokuni a rechad er a blim. A lorael mo betok omsuub, eng merael mo klou el sebechem lolengeseu el meleketek er a rengedel a Dios e mengetikaik er a beluulechad el mora klungiaol.

A llemalt a meskid a budech e mo bekongesenges el kired. A tekingem me a omerellem sel longaisisiu er a klemerang, e kau a ochotau el sebechel loumerang er kau a rebebil er a rechad me a Rubak.

Sel bom dechor el kirel a osisecheklel a Jesus Kristo, e Ngii a dechor lobengkem. A Jesus Kristo a klisichem! A rebebil ra rechad a locha mo diak el kengei lobengkem leng tekoi el moumerang, engdi a dechal a rengum e melmalt a mo meues. Diak el iior el rechad a mo oltirakl er a okesium, omoumerang, kllouelreng, me a klaumera er a Kristo a mo mukeroul.