Mbabun
Abɔekyir

Abɔekyir

Wo Ɔsor Egya to nsa frɛ wo dɛ gye ayɛdze krɔnkrɔn horow. Ayɛdze horow yinom ahyɛmudzi horow—anohoba horow a enye Nyankopɔn dzi, na anohoba horow a Ɔnye wo dzi kã ho. Mfatoho, edzi ahyɛmu horow yinom ber a wonuma wo na wosi wo pi, ber a egyee wo endowment, na ber a wɔsɔw wo ano ma mber na mbersantsen wɔ Ewuradze fie mu. Iridze ahyɛmu horow na irisie no dze dɛw na enyigye bɛbrɛɛ wo na wɔama enya Nyankopɔn no tum ho kwan dze aboa wo ma asan akɔ N’enyim, bea a ibotum enye No enya onnyiewiei nkwa.

Ama eesũa pii afa dza ebɔ ho anohoba ma Nyankopɔn ber a edzi ahyɛmu horow yinom—na dza Ɔbɔ wo ho anohoba horow ho no—hwɛ General Handbook: Serving in The Church of Jesus Christ of Latter-day Saints, 3.5, Asɛmpa Nwoma Korabea.

Dwendwen nsɛmbisa a ɔwɔ ase ha ho. Iyinom yɛ nsɛmbisa horow no a wobisa wo ber a wɔyɛ wo kokoamu mpɛnsapɛnsamu dze gye wo temple recommend, mbom onnyi dɛ etweɔn kokoamu mpɛnsapɛnsamu ana. Ker wankasa woho sunsum mu ber biara a epɛ.

Young Women Theme na Aaron Asɔfodzi Quorum Theme, na Mbrasɛm Du no so botum ayɛ edwindadze a mfaso wɔ ma edze eker woho.

Temple Recommend Nsɛmbisa horow ma Mbabun

  • Ana ewɔ gyedzi na dasegye wɔ Nyame, Onnyiewiei Egya no; Ne Ba, Jesus Christ, na Sunsum Krɔnkrɔn no mu a?

  • Ana ewɔ dasegye wɔ Jesus Christ No Werdambɔ no mu na Ne dzibew dɛ w’Agyenkwa na Pomfo?

  • Ana ewɔ dasegye wɔ Jesus Christ asɛmpa ne Nsan-ananmu ho?

  • Ana ema Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no ne President no tsipia dɛ nkɔnhyɛnyi, adzehunyi, nye nyikyerɛfo na dɛ ɔno nko nye nyimpa a ɔwɔ tumdzi dɛ ɔdze asɔfodzi nsaafee no nyina dzi dwuma? Ana ema Apamfo a wɔwɔ President a Odzi Kan na n’Apamfo mu, nye Asomafo Duebien no tsipiã dɛ, nkɔnhyɛfo, adzehufo, nye nyikyerɛfo? Ana ema Wiadze Mfɛndzanan Etumdzifo Etsitsir na sɔn mu Asɔr baanodzifo no tsipia?

  • Ewuradze ase dɛ ɔwɔ dɛ “[wɔ]yɛ ndzɛmba nyina wansawansa” wɔ N’enyim (Nkyerɛkyerɛ na Ahyɛmudzi 42:41). Ana ebɔ mbɔdzen dɛ w’adwendwen na wo ndzeyɛɛ bɛyɛ wansawansa su? Ana isie ahosan mbra no?

  • W’ebusua mu mba na binom mu no ana wo kokoamu na bagua mu suban kyerɛ dɛ idzi Jesus Christ N’Asɔr ne nkyerɛkyerɛ do?

  • Ana ifua anaa idzi adzekyerɛ, ndzeyɛɛ, anaa nkyerɛkyerɛ binom ekyir a ɔnye Jesus Christ N’Asɔr a ɔwɔ hɔ ma Nda a Odzi Ekyir Ahotseweefo dze no bɔ ebira a?

  • Ana ebɔ mbɔdzen dɛ ibesie Ahomgyeda no krɔnkrɔn, wɔ fie na asɔr nyina mu, ekɔ wo nhyiamu horow no, na eyɛ ahosiesie na idzi sacrament no emudzi mu; na ebɔ bra a ɔnye asɛmpa mbra na mbransɛm no saa?

  • Ana ebɔ mbɔdzen dɛ ibedzi nokwar wɔ dza eyɛ nyinara mu?

  • Ana eyɛ nyimpa a otua n’ebupɛn-du emudzi mu?

  • Ana etse Enyansasɛm no ase na idzi do a?

  • Ana bɔn akɛse wɔ w’abrabɔ mu ohia dɛ enye asɔfodzi tumdzifo siesie a, ɔkã wo nnuhu ho?

  • Ana esusu woho dɛ idzi mu dɛ ihɛn Ewuradze ne fi mu na ekɛyɛ temple ayɛdze horow?

Young Women Theme

Meyɛ ɔsor awofo hɔn babaa dɔfo,4a mowɔ awosu krɔnkrɔn na onnyiewiei nkrabea.

Dɛ Jesus Christ osuanyi no, meper dɛ mebɛyɛ tse dɛ Ɔno. Mohwehwɛ mankasa me nyikyerɛ na me dze dzi dwuma na masom binom wɔ Ne dzin krɔnkrɔn mu.

Mibegyina dɛ Nyankopɔn ne dasefo wɔ mber nyina na wɔ ndzɛmba nyina mu na wɔ mbea ahorow nyina.

Ber a meper fata nkwagye ntowdo no, nnuhu akyɛdze no som me bo na mohwehwɛ mpontu dabiara. Medze gyedzi no, mebɛhyɛ me fie na m’ebusua dzen, mibedzi na mesie ahyɛmud krɔnkrɔn horow, na magye temple ho ayɛdze horow na nhyira no.

Aaron Asɔfodzi Quorum Theme

Meyɛ Nyame no dɔba, na Ɔwɔ edwuma ma me dɛ mebɛyɛ.

Medze m’akoma nyina, m’ahom, m’adwen, na m’ahoɔdzen nyina no, mobɔdɔ Nyankopɔn, esie m’ahyɛmudzi horow, na medze N’asɔfodzi asom nkaafo, ahyɛ ase wɔ mankasa me fie.

Ber a meper dɛ mosom, dze gyedzi dzi dwuma, munu moho, na mutu mpon dabiara no, mebɛfata dɛ megye temple nhyira horow na asɛmpa ne dɛw a otsim no.

Mebɛyɛ ahoboa abɛyɛ asɛmpasomafo a ɔbɔ noho mbɔdzen, hokafo nokwafo, egya dɔfo ber a mebɛyɛ osũafo nokwafo ma Jesus Christ.

Mobɔboa esiesie wiadze no ama Agyenkwa ne nsanee ber a moto frɛ obiara dɛ wɔmbra Christ hɔ na wommbenya No Werdambɔ ho nhyira horow no.

Mbrasɛm Du no

  • Mma hom nnya Nyame fofor bi nnkã moho.

  • Mma nnyɛ ohonyi biara mma woho.

  • Mma wɔmmbɔ Ewuradze hɔn Nyankopɔn ne dzin gyangyan.

  • Kaa ahomgyeda no na sie no krɔnkrɔn.

  • Dzi w’egya na wo nã nyi.

  • Mma nndzi ewu.

  • Mma nntõ awar.

  • Mma nnwia adze.

  • Mma nngye wo nyɛnko ho dasewia.

  • Mma w’enyi mmber adze.

Hwɛ Exodus 20:3–17.