Nokwar bɛma enya fahodzi

Ɔsor Egya pɛ dɛ Ne mbabaa na mbabanyin sũa adze aber nyina. Ewɔ honandua mu na sunsum mu siantsir horow dɛ ehwehwɛ na idɔ adzesũa. Nwomasũa nnyɛ ebenya sika ho asɛm nko. Ɔkã w’onnyiewiei botae ho dɛ ibɛyɛ tse wo Ɔsor Egya ara yie.

Edze nokwardzi robɔ bra kyerɛ dɛ idɔ dza ɔtsen wɔ Nyame enyim—kyɛn wo dɔ ma ankorankor ahotɔ, ibɛyɛ atsenkã, anaa ɔwo ntsi ɔpɛ do. Ɔkyerɛ dɛ ereyɛ dza oye tsitsir ara osiandɛ ɔtsen.

Ewɔ biribi a ɔsom bo a ebɛkyɛ. Jesus Christ asɛmpa no na ɔwɔ abrabɔ mu nsɛmbisa horow ho nyiano. Ɔyɛ asomdwee na dɛwdzi ho kwan. Bia irunnhu biribiara, mbom inyim dodow ara a edze bɔdɔ wo nyɛnko, nye hɔn akyɛ nokwar nkyerɛkyerɛ, na ato nsa afrɛ hɔn ma woesũa bi akã ho.

Kɔ do sũa adze aber nyina. Hwehwɛ akwan horow a edze bɔtow w’adwen mu na wo nsaano edwuma mu. Skuul nwomasũa anaa edwumayɛ ho ntsetsee kã akwan horow yinom ho, nye adzesũa fi fibea ahorow a ewɔ mu awerɛhyɛmu. Enye Ewuradze nkã wo mbɔdzembɔ ho, na Ɔbɛma wo kwankyerɛ.

Suã sunsum mu nokwar horow. Ber a isũa fa wiadze a etwa wo ho ehyia no, sũa Agyenkwa no a Ɔbɔɔ wiadze no ho nsɛm so. Sũa N’abrabɔ na nkyerɛkyerɛ ho nsɛm. Ma seminary, institute, na ankorankor asɛmpa ho adzesũa nkã w’abrabɔ nyina mu adzesũa ho. Obotum ayɛ wo ahoboa ma akɔsom asɛmpakã dwuma na akyɛ asɛmpa no w’abrabɔ nyina mu.

Fa nokwardzi bɔ bra. Mma nnwia adze, nndzi ator, nnsisi, anaa nndaadaa wɔ kwan biara do—wɔ skuul, edwuma mu, internet do, wɔ beebiara. Yɛ Jesus Christ ne kãdofo nokwafo kor noara wɔ bagua mu na nsumaa mu.

Nwomasũa tow wo tum a edze som Ewuradze mu, a dɛ eyɛ asɛmpasomafo kã ho. Ɔma wo tum ma ehyira binom, nkankara wankasa w’ebusua. Mber dodow a isũa adze no, mber dodow a ibotum aboa akyekyer Nyame n’ahenman na enya nhyɛdo pa wɔ wiadze mu.

Nokwardzi dze asomdwee na obu ba. Sɛ wo nsɛnkã na ndzeyɛe nye nokwar no saa, ekyerɛ dɛ nkorɔfo nkaafo na Ewuradze botum enya awerɛhyɛmu wɔ wo mu.

Sɛ isoɛr gyina ma Jesus Christ nkyerɛkyerɛ a, Ɔnye wo gyina. Jesus Christ yɛ w’ahoɔdzen! Binom rennye wo nnyɛ adwen wɔ wo gyedzi hom, naaso wobohu w’akokodur na wo nokwardzi. Sɛ binom bedzi wo fasusu do anaa wonnkedzi do no, wo dasegye, awerɛhyɛmu na gyedzi wɔ Christ mu no benyin.