Wo honandua yɛ krɔnkrɔn

Wo honandua wɔyɛɛ no tse dɛ Nyame no su—wiadze nyina mu Abɔdze a enyimnyam, tumdzi abɔso no. Kyerɛwsɛm no dze hɛn honandua toto temple krɔnkrɔn ho, bea a Sunsum no botum atsena. Nokwar, wo honandua nndzi mu sesei. Mbom sũahu horow a edze wo nyimpadua renya no botum aboa wo ma ayɛ ahosiesie ma dabi enya nyimpadua a ɔasoɛr efi owu mu a, odzi mu na enyimnyam ahyɛ no mã.

Wo honandua na wo sunsum na wɔyɛ wo kra. Ɔnam siantsir yi ntsi, honandua mu apɔwmutse na sunsum mu apɔwmutse fam ho papaapa. Agyenkwa no daa Enyansasɛm no edzi dɛ ɔbɛkyerɛkyerɛ nkyerɛkyerɛ a wɔdze hwɛ nyimpadua no do na Ɔabɔ nyimpadua na sunsum mu nhyira horow ho anohoba.

Atsenkã a wonya no wɔ awardze mu no ho hia wɔ Nyame ne nhyehyɛɛ mu ɔno dze enyigye ba awar na onnyiewiei ebusua ebusua mu. Atsenkã yinom nnyɛ bɔn—wɔyɛ krɔnkrɔn. Osiandɛ awardze mu atsenkã yɛ ndam na krɔnkrɔn ntsi, Nyame ama wo N’ahosie ho mbra no dze ayɛ wo ahoboa ma edze atsenkã yinom edzi dwuma dɛ mbrɛ No botae tse. Ahosie ho mbra kã dɛ Nyame pen awardze nko wɔ ɔbarimba na ɔbaa a wɔawar nko ntamu. Nkorɔfo dodowara bu enyi gu anaa wosi Nyame ne mbra atwetwe, naaso Ewuradze to nsa frɛ hɛn dɛ yɛnyɛ N’esuafo na yɛmfa gyinapɛn a ɔkrɔn mbɔ bra.

Fa enyidzi—hwɛ wo nyimpadua—na binom so dze. Ber a eyɛ gyinasi fa w’efuradze, tsiryɛ, na w’afadze ho no, bisa woho dɛ, “Ana miridzi me nyimpadua nyi dɛ akyɛdze krɔnkrɔn a ofi Nyankopɔn hɔ?” Ɔsor Egya pɛ dɛ yehu hɛnho nkorkor hɛn nyimpaban a yɛyɛ: yɛnnyɛ honandua ara mbom Ne mba adɔfo a wɔwɔ nkrabea krɔnkrɔn. Kwetsir style horow a ɔtwe enyiwa gyina wo honandua no bɔbew do kyɛn wo nyimpaban dɛ Nyame ne ba a ɔwɔ onnyiewiei ndaamba. Ma ɔbrapa ahotsew na wo dɔ ma Nyame nyɛ wo nsanmuyi horow no botae. Hwehwɛ afotu fi w’ebusua hɔ.

Yɛ ndzɛmba horow a ɔbɛhyɛ wo nyimpadua dzen, nnyɛ ndzɛmba a obepira anaa ɔbɛsɛɛ no. Fa enyisɔ nya ndzɛmba pa a Nyame dze ama no nyina ho enyigye. Kaa dɛ nsãdzen, towa, kɔfẽe, tsĩi, na ndurbɔn na ndzɛmba nkaa no a ɔnnyɛ mma wo honandua na wo sunsum. Ndzɛmba binom a oye, tse dɛ edur a datser akyerɛw, botum dze ɔsɛɛ aba sɛ wɔammfa edzi dzii dwuma wɔ no kwan do a.

Sie awardze na awardze ho atsenkã krɔnkrɔn. Onnyi dɛ ɔyɛ nsɛngyinado ma afɛwdzi anaa agordzi. Ɔbarimba na ɔbaa a wɔnnwaree no, ɔyɛ mfomdo dɛ edze wo nsa bɛkã nyimpa bi so ne nyimpadua ne beebi a ɔyɛ kokoa mu, na krɔnkrɔn, mpo sɛ ɔhyɛ efuradze a. Hom nsanmuyi a ɔfa dza wɔyɛ, wɔhwɛ, wokenkan, wotsie, wɔdwen ho, wopost anaa wɔtext no, hom nkwetsir biribiara a ɔgye enyim ara kenyan akɔndɔbɔn nkãtse wɔ wankasa anaa binom mu no. Ehuhuw mfonyin mbrɛ wɔdze da no edzi biara kã ho Sɛ ihu dɛ gyinabew horow anaa dwumadzi binom a ɔma nsɔhwɛ no mu yɛ dzen a, kwetsir hɔn. Inyim dza gyinabew horow na dwumadzi yinom yɛ. Na sɛ nnyim no yie a, Sunsum no, w’ebusua, na wo baanodzifo botum aboa wo ma ehu. Kyerɛ w’Egya a ɔwɔ Sor dɛ tum krɔnkrɔn a ɔdze nkwa bɔbɔ adze no idzi no nyi na ibu no.

Obu a edze ma woho na binom bɛyɛ kɛse ber a idua wo suban, hwɛbew, na atarhyɛ do dze dzi wo honandua nyi.

Ewuradze abɔ nyansa na nyimdzee mu ehutudze kɛsenara anohoba ma hɔn a wosie Enyansasɛm no. Honandua mu apɔwmudzen, onnyi nyarba a ɔka awerɛba mu, ɔtow no tum a ɔdze nya ankorankor nyikyerɛ mu, n’adwen mu da hɔ pefee, na ɔsom Ewuradze.

Edze ahosie ho mbra bɔ bra no dze Nyame ne nkamfo ba na akorankor sunsum mu tum. Ɔbɔ ɔwo na wo ndaamba ebusua ho ban. Mbra yi dze ɔdɔ kɛse na awerɛhyɛmu, na koryɛ bɛba w’awar mu ber a awar no. Ereyɛ setsie ama mbra yi bɛma etum etu mpon a onnyi wie na abɛyɛ tse dɛ wo Ɔsor Egya ara yie. W’awerɛhyɛmu benyin ber a ibɔ bra dɛ Jesus Christ osuanyi no.