Ibotum aboa Nyame n’edwuma

Nyankopɔn n’edwuma na n’enyimnyam nye dɛ ɔdze nyimpa ne bɛkyebo na onnyiewiei nkwa bɔbɔ adze. Bɛkyebo nye dɛ ibɛtsena ase afebɔɔ a edze honandua a ɔasoɛr efi owu mu. Onnyiewiei nkwa, anaa nkwagye ntowdo, nye ebɛyɛ tse dɛ Nyame ara yie na yɛnye No tsena daapem dɛ ebusua ebusua. Iyi nyina tum ba mu osian Jesus Christ na No Werdambɔ no ntsi. Ibotum enya awerɛhyɛmu wɔ No mu.

Ibotum aboa Nyame n’edwuma ber a iba Christ hɔ na iboa binom ma wɔyɛ dɛmara. Ber biara a eyɛ biribiara a ɔbɔboa obi ma ɔaka Jesus Christ do no, nna eroboa Nyame n’edwuma.

Fa asɛmpa no bɔ bra. Tow wo gyedzi wɔ Jesus Christ mu. Nu woho dabiara. Gye Nyame n’asɔfodzi ayɛdze horow na sie w’ahyɛmudzi. Ma dɛm nyɛ nhwɛdo no kesi wɔ wo nkwãda nyinaa no.

Yɛrohwɛ hɔn a wɔwɔ hia mu no do Hwehwɛ akwan horow a ibotum asom nkaafo, a w’ebusua, w’anyɛnkofo, na wo sɔn mu kã ho. Kwan kɛse kor a yɛdze bɔboa nkorɔfo a wɔwɔ hia mu no nye yɛbɛyɛ setsie ama akɔnkye ho mbra no na yɛama akɔnkye afɔrbɔ.

To nsa frɛ obiara ma wɔngye asɛmpa no. Ma wo nsɛnkã na ndzeyɛe nkyerɛ wo gyedzi wɔ Jesus Christ mu. Yɛ krado dɛ ibɛkã akyerɛ obiara a obisa wo no enyidado na dɛwdzi ho nsɛm etse dɛ eyɛ No suanyi. Ma young men no, erosom etuhoakyɛ asɛmpakã dwuma no yɛ asɔfodze asodzi. Ma young women no, ɔyɛ ndamyɛ kwan; bɔ mpaa fa hu sɛ Ewuradze bɛpɛ dɛ isom a. Yɛ ahoboa dɛ ibɛkyɛ asɛmpa no w’abrabɔ nyina mu.

Kã ebusua ebusua bɔmu daapem ber a ereyɛ ebusua abakɔsɛm na temple edwuma. Sũa w’ewuakɔr hɔn ho nsɛm. Hwehwɛ nyia ohia temple ayɛdze horow. Kɔ temple mpen dodow a ibotum ma wonuma na wonsi wo pi mma hɔn. Sɛ ihia mboa a, kɔ FamilySearch.org.

Ibenya Nyame no mboa. Ɔsor Egya enyi nnda dɛ wo nko bɛyɛ edwuma yi. Ɔnye wo wɔ hɔ. Sɛ ahobrɛadze mu edze wo mber na w’akoma bɔ afɔr a, Obodua wo mu ayɛ ndzɛmba nwanwa. Jesus Christ yɛ w’ahoɔdzen!

Dɛw bɛhyɛ hom mã. Nyame n’edwuma yɛ enyigye edwuma! Ber a eyɛ w’afamudze no, ibotum atse enyigye no a Ɔtse ne nkã. Susu enyigye a enye Ɔsor Egya na Ne mba a iboaa hɔn ma wɔbaa No hɔ no bɛkyɛ!