Nsɛnkã a ofi President a Odzi Kan na n’Apamfo hɔ

Yɛdɔ hom, na yɛwɔ awerɛhyɛmu wɔ hom mu. Ampaara hom kã Ɔsor Egya n’esunsum a wɔasan mu eyi hom, asoma hom aba asaase mber yi mu ama hom abɛyɛ ndzɛmba etsitsir.

Hom wɔ ahoɔdzen na tum kyɛn dza hom nyim dɛ hom wɔ no. Na sɛ hom twer Agyenkwa no a, hom ahoɔdzen nyin koraa mpo. Ɔno nye “mbabun hɔn ahoɔdzen.”

Kwankyerɛ yi bɔboa wo ma akyekyer fapem a ɔyɛ dzen a edze bɛyɛ nsanmuyi horow dze anantsew anamɔnkwan no a ogya kɔ onnyiewiei nkwa do. Ɔbɔboa wo a ayɛ ahoboa dze edzi ahyɛmudzi krɔnkrɔn wɔ temple, ayɛ ahosiesie dze akɔsom asɛmpakã, na enya enyigye dɛ ebɛka Jesus Christ do wɔ w’abrabɔ nyina mu. Hom wɔ gyinabew a ohia wɔ N’Asɔr mu. Jesus Christ bɔboa wo ma ahyɛ No botae horow ma wo no mã.

Yenyim dɛ Nyame tse ase. Ɔyɛ hɛn mpaabɔ dɛ hom begyina ahyɛmu anamɔnkwan no do pintsinn—anamɔnkwan a wɔnye Nyame dzi ahyɛmu krɔnkrɔn na wosie. Ɔno nye anamɔn kwan a ogya kɔ hom Egya a ɔwɔ Sor no hɔ. Hom reyɛ dɛm no, hom bɛyɛ nhyɛdo pa. akyɛ asɛmpa no enyigye mu ara, aboaboa Nyame ne mba ano, na woesiesie wiadze no ama Agyenkwa ne Mbae a Otsĩa Ebien no. Hom nkaa: Jesus Christ yɛ w’ahoɔdzen!