सत्यले तपाईंहरूलाई स्वतन्त्र बनाउने छ

स्वर्गका पिताले आफ्ना छोरीहरू र छोराहरू सदैव सिकिरहेको चाहनुहुन्छ । तपाईंहरूसँग सिक्न प्रयास गर्ने र प्रेम गर्ने भौतिक र आत्मिक दुबै कारणहरू छन् । शिक्षा भनेको पैसा कमाउने सम्बन्धमा मात्रै होइन । यो स्वर्गका पिता जस्तै बन्ने तपाईंहरूको अनन्त लक्ष्यको अंश हो ।

इमानदारीका साथ जिउनु भनेको तपाईंहरूले व्यक्तिगत आराम, लोकप्रियता वा सुविधालाई भन्दा बढी परमेश्वरको नजरमा सही कार्यलाई प्रेम गर्नुहुन्छ भन्ने हो । यसको अर्थ सही कार्य गर्नु हो किनभने यो सही छ ।

तपाईंहरूसँग बाँड्नका लागि केही बहुमूल्य वस्तु छ । येशू ख्रीष्टको सुसमाचारमा जीवनका प्रश्नहरूको उत्तर छ । यो शान्ति र खुसीको मार्ग हो । तपाईंहरूलाई सबै जानकारी नहुन सक्छ तर आफ्ना छिमेकीलाई प्रेम गर्न, उहाँहरूसँग सत्य सिद्धान्तहरू बाँड्न र उहाँहरूलाई थप सिक्नका लागि आमन्त्रण गर्न तपाईंहरूसँग पर्याप्त ज्ञान छ ।

सदैव सिकिरहनुहोस् । आफ्नो मस्तिष्क र आफ्नो सीप विस्तार गर्ने अवसरहरू खोज्नुहोस् । यी अवसरहरूमा विद्यालयमा औपचारिक शिक्षा वा व्यावसायिक तालीम, साथै तपाईंहरूले भरोसा गर्ने स्रोतहरूबाट अनौपचारिक शिक्षा समावेश हुन सक्छन् । आफ्ना प्रयासमा परमप्रभुलाई संलग्न गर्नुहोस् र उहाँले तपाईंहरूलाई मार्गदर्शन गर्नुहुने छ ।

आध्यात्मिक सत्यहरू सिक्नुहोस् । आफ्नो वरपरको संसारका सम्बन्धमा सिक्दै जाँदा, संसार सृष्टि गर्ने मुक्तिदाताका सम्बन्धमा पनि सिक्नुहोस् । उहाँको जीवन र शिक्षाहरूको अध्ययन गर्नुहोस् । सेमिनरी, इन्टिच्यूट र व्यक्तिगत सुसमाचार अध्ययनलाई आफ्नो जीवनभरको सिकाइको अंश बनाउनुहोस् । यसले तपाईंहरूलाई जीवनभर सुसमाचार प्रचार सेवा गर्न र सुसमाचार बाँड्नका लागि तयार पार्न सक्छ ।

इमानदारिताका साथ जिउनुहोस् । विद्यालयमा, कार्यमा, अनलाइनमा, जताततै चोरी नगर्नुहोस्, झूट बोल्नुहोस्, ठगी नगर्नुहोस् वा कुनै पनि तरिकाले धोका नदिनुहोस् । सार्वजनिक र निजी रूपमा येशू ख्रीष्टको समान आस्थावान् अनुयायी बन्नुहोस् ।

सुसमाचार प्रचारकका रूपमा सहित शिक्षाले परमप्रभुको सेवा गर्ने तपाईंहरूको क्षमता वृद्धि गर्छ । यसले अरूलाई, विशेष गरी तपाईंको परिवारलाई आशीर्वाद दिनका लागि तपाईंहरूलाई सक्षम बनाउँछ । तपाईंहरूले जति धेरै सिक्नुहुन्छ, त्यति नै तपाईंहरूले परमेश्वरको अधिराज्य निर्माण गर्न र संसारलाई असल कार्यका लागि प्रभाव पार्न सहयोग गर्न सक्नुहुन्छ ।

इमानदारिताले शान्ति र आत्मसम्मान ल्याउँछ । जब तपाईंहरूका वचन र कार्यहरू सत्यसँग समान्जस्य हुन्छन्, तपाईंहरू अरू मानिसहरू र परमप्रभुद्वारा भरोसायोग्य हुन सक्नुहुन्छ भनेर तपाईंहरूले प्रदर्शन गर्नुहुन्छ ।

जब तपाईंहरू येशू ख्रीष्टको शिक्षाका लागि खडा हुनुहुन्छ, उहाँ तपाईंहरूको साथमा उभिनुहुन्छ । येशू ख्रीष्ट तपाईंहरूको समार्थ्य हुनुहुन्छ ! अरूहरू तपाईंहरूको विश्वाससँग सहमत नहुन सक्छन् तर तपाईंहरूको साहस र इमानदारितालाई स्मरण गरिने छ । अरूले तपाईंहरूको उदाहरण अनुसरण गर्छन् वा गर्दैनन्, तपाईंहरूको गवाही, विश्वास र ख्रीष्टप्रतिको आस्था वृद्धि हुने छ ।