A klemerang a rullau el mo mimokl

A Chedam er a Babeluades a soal a re Ngelekel redil me a sechal mo blechoel di mesuub. Ngarngii a uchul me a klechad me a chedaol klengar er kau olechoud e soal a omesuub. A skuul a diak el dil kirel omengerker ludoud. Tiang a tebedechel a moktek el diak a ulebengelel omerael el di mo uai a Chedam er a Babeluades.

A kiei el kedung a belkul a kmo kau a mui er a rengum a biltikelreng er a klemerang—el ngii a mesisiich er a ungil besul klengar er kau, ke sorir a rechad, malechub eng se lungil er kau. Tia belkul a kmo kemeruul er a llemalt e lengii el melemalt.

Ngarngii omobal mekreos el bo molecholt er ngii. A ebangkelio er a Jesus Kristo a olab a nger el mora ker er a klengar. Ng rael el mora budech me a deureng. Ke locha diak modengei a rokui, eng di aikel modengei a ungil el mo ngosuterir a rebebil el medengelii e urekodel a klemerang, el diak a ulebengelel suobel.

Blechoel el di mesuub. Momes a techall el mo menglou a klemedengei me a duch er kau. Aikal techall a sebechel uldimukl a mora skuul e mesuub malechub e ke mesuub el meruul a ngerang me a sebechel el dikau el mesuub er a ikel ngarngii el modengei e oumerang. Mosisebii a Rubak er a omoruul, e Ngii a mo omekrael er kau. Mesel mosuub el kirel tial beluulechad el meliuekl er kau, e mosuub el dirrek el kirel Osobel, el ngii a milebii a beluulechad. Mosuub er a klengar er Ngii me a osisecheklel. Bom relii a seminary, institute, me a kuk di omesubem er a ebangkelio el mo tebedechel a omesubem er tial klengar er kau el rokir.

Bol Soam a klemerang el mo ulis me lak a tang me bol soam el merechorch, outingaol, omart e meruul a mekngit, malechub e ngiidi el cheleblad—er a skuul, urerem, online, me a ngii di le ker. Di bo mosisiu el blak a rengum el oltirakl er a Jesus Kristo er a buai me a blim.

Bom llomes el mora rebebil. A tekingem me a omerellem bol siasing er a klaumera er kau er a Jesus Kristo. Mongedmokl er kau er chelechang el kirel a merael mei el techall el mo olecholt er a klebokel ebangkelio er Ngii, el misionari me a dirrek er tial rokir el klengar er kau. E bom kldmokl el moouchais er a ngii di el chad loker er kau er a urungulem me a deureng el kau omelchesiu.

A skuul a dochel a decham el mesiou er a Rubak. Ngii a msa klisichem el mo mekngeltengat er a rebebil, tokuni a rechad er a blim. A lorael mo betok omsuub, eng merael mo klou el sebechem lolengeseu el meleketek er a rengedel a Dios e mengetikaik er a beluulechad el mora klungiaol.

A melemalt a meskid a budech e mo bekongesenges el kired. A tekingem me a omerellem sel longaisisiu er a klemerang, e kau a ochotau el sebechel loumerang er kau—a rebebil er a rechad me a Rubak.

Sel bom dechor el kirel a osisecheklel a Jesus Kristo, Ngii a dechor lobengkem. A rebebil er a rechad a locha mo diak el kengei lobengkem, engdi a duchelreng me a meral ngara rengum a mo meues. Diak el iior el rechad a mo oltirakl er a okesium, omoumerang, kllouelreng, me a klaumera er a Kristo a mo mukeroul.

Ker me a nger

Tiang mekngit a le ngarngii a kerid el kirel a Ikelesia? Ak mekera e metik a nger? A le ngarngii a kerim a diak el belkul a kmo ke mechitechut malechub eng diak a klaumera er kau. Tia kid a merang, a oker a ker a bai meleketek a klaumerang. A Olutel a ebangkelio a ulemuchel sera teruich me a eua rekil Joseph Smith luleker a ker loba klaumerang. Mosiik a nger er a chelsel chedaol llechukl, tekingir a reprofet er a Dios, me a reoungerachel er kau er a ikelesia me a roungalek er kau, me a Ngii el Dios. Alsekum me a nger a diak el mereched el mei, moumerang el kmo ke mo subii lokiu a telkib er tiei me tiei. Molemolem el kiei lokiu aikel kau a mla momedengei, e molemolem el osiik a meral tekoi.

Ng mekera bok dechor el kirel a melemalt el tekoi e diak temelii a rengrir tirkel kuk ngodech a loumerang. Momuchel el omes me a tekingem me a omerellem a mukrael lokiu a beltikelreng el mora Dios me a Rengelekel. A ouchais er a ebangkelio a diak el kirel mekedmokl lokiu a reng er a klautok ng bai okiu a omeketakl, delmedemek el reng, me a blekokouii. Kau a sebechem el oubeltikelreng el mora rebebil ngii mesel kau a diak mkengei aikel loumerang.

Mesa Mateus 5:14–16 (bechere llemesem me lolidiich); Johanes 14:6 (A Jesus a klemerang); 1 Peterus 3:15 (bom kldmokl el mo ouchais er a ongilem er a Kristot); Doctrine and Covenants 88:77–80 (tekoi el soal a Rubak a dosuub); 93:36 (a klebkellel a Rubak a llomes); 124:15 (a kldung a belkul a kmo ngsoad a llemalt); 130:18 (a llemesed a di obengded sel de bekiis er a kodall).

Ker er a kengei el mora templo

Kau ke melasm el meruul a klemerang er ikel rokui el omoruul?