A bedengem a chedaol

A bedengem a di ua bedengel a Dios—el kot el klebokel, ngarbab el Chad el ngara universe. A chedaol llechukl a mengaisisiu er a bedenged el mora chedaol templo, el basio el Reng a sebechel kiei er ngii. Uaisei, el bedenged a diak el cherrungel er chelechang. Engdi a dubech el merkau el moba bedengem a sebechel kudmeklau el monguu er a tara klebesei a cherrungel, mekiis er a kodall, e klebkall el bedengem.

Kau el chad a mlokdubech el bedengem me a reng er kau. Tia ikid a uchul me a ulekereuil a bedenged me a ulekereuil a reng a kmeed el kabekbuch. A Osobel a ulechotii a Ulekerreuil a Bedenged el molisechakl el mekera domekerreu er a bedenged—e mo yaskok a klengeltengat er a bedenged me a reng.

A momelechesiu a tekingel omengeruakl a klou a ultutelel tebedechel a uldesuel a Dios el mo oldubech a ungil chebechiil me a mo cherechar el telungalek. A ikal omelchesiu a diak el klengit—aikang a chedaol. El a melchesiu a sexual a kot el chedaol e mesisiich, a Dios a mla meskau a llach er a klikiid el mo mengedmokl er kau el mo ousbech aikal momelchesiu aikel Ngii a omes el kirel. A llach er a klikiid a melekoi el kmo a Dios a kongei er a omeruul er a sexual el di delongelel a sechal me a redil el tir a bechiil. Betok el ngara beluulechad a diak loltirakl me a lechub e toltuub er a llechul a Dios, eng di a Dios a oleker er kid el mo chedal e kiei er a kerai el ngarbab er a beluulechad.

Momekerreu er a bedengei—me a bedengir a rebebil—loba omelengmes. Sel molilt a bilem, teletelel a chium, me a teletelem, e moker er kau, “Ngak a mengull er a bedengek el chedal seng el mlara Dios?” A Chedam er a Babeluades a soal kid a domes er a tang el kmo kede meral re ua techang: el diak el dil bedenged e bai ke de betik er a rengul el ngelekel el chedaol a osioled. Lak mousbech a teletael el lolecholt malechub el lolechau a mad el diak lungil mora bedengem e bai sel meral kau el ngelekel a Dios e loba diak a ulebengelel sils er kau. Mngai a kldung me a beltikelreng el mora Dios mel lomekrael a ikel molilt. Mngai omellach er a roungalek er kau.

Moruul a tekoi el ngii a mo melisiich er a bedengem—el diak el tekoi el mo tomelli. Bo lungil a rengum loba omereng el saul a betok lungil tekoi el Dios a mla meskau. Engdi lak mobes el kmo a rrom, dekool, kohi, tea, me a melemall el kar me a klalou a diak el bora bedengem me a reng er kau. Ngii me aikel lolengeseu el klalou, el uai a kar er a ospitar, a sebechel melemall a lak dousbech er sel meral teletelel.

Bechei a sex me a omelchesiu el sexual el chedaol. A ikang a diak el kirel tekoi er a ngellakl malechub a omosiroi. A ikrel a chebechilel a sechal me a redil, eng mekngit el morutech er sel berrotel, e chedaol el bedengel a chad ngii mesel loubail. Aikel molilt el tekoi el moruul, omes er ngii, mengui, orrenges er ngii, omdasu el kirel, ke post, malechub a meluches, e bom ikrii a ngii di el ngerang el meruul er kau el mo soam a delboes el teletael er a rebebil me a lechub a mor kau. Tiang a uldimukl osengel a delboes er a ngii di el teletael. Alsekum me ke metik er a blekeradel malechub a omeruul el rullau el mo kot el nguibes, a bom cheroid er ngii. Kau a medengei el kmo aikal teletael me a omeruul ng ngerang. Alsekum meng kou mededenger, ea Reng, roungalek er kau, me a roungerachel ngara ikelesia a sebechir el ngosukau el mo medengei. Mochotii er a Demam er a Babeluades el kmo kau a mengull e olngesenges er a chedaol klisiich el mo omekdubech a klengar.

Omengull er a kau me a rebebil a merael mo mesisiich sel mongull er a bedengem lokiu a blekerdelem, teletelem, me sel moubail.

A Rubak a mla yaksok a ngarbab el mekreos el klemedengei el mo er tirkel oltirakl er a Ulekerreuil a Bedenged. A ungil a ulekereuil bedenged, el diak el sau a ngerang, a dirrek el rullau mengai el moungil melai a ocholt el mer kau, omdasu lungil, e mesiou er a Rubak.

A kiei loba llach er a klikiid a meskid a kengei er a Dios me a chedal klisiich el mer kid. Sel bo bechiil, e tial llach a mo meskau a ngarbab el belikelreng, oumerang, me a kltal reng el mora chebechielem. Otireklel tial llach a rulii meng sebechem el merael moungil el cherechar e merael el moua Demam er a Babeluades. A kllouelreng er kau a mukeroul sel omkiei el chedal a Jesus Kristo.

Ker me a nger

Ngera kerbil a Dios er a bail, osengel a bedenged, delngod, me a outelau. A kerai er a Rubak a kau a mo mengull er a chedaol el bedengem, ngii mal belkul a kmo ke mongodech er a beluulechad. Bo becherei tial klemerang me a Reng me bo lomekrael er kau sel molilt a tekoi—tokuni a ikel molib el ngii a mo ngarngii a le relii er a bedengem el meketeket. Bo mellomes e blak a rengum, e mosiik a omellach er a rechad ra blim me a oungerachel er kau er a ikelesia.

Ak mekera bok mesisiich er a ngibesereng me a mekngit el kse? A Chedam er a Babeluades me a Jesus Kristo a olab a klisiich el mo ngosukau. Mo mekeek er a klengar er kau er a ikel tekoi el ngii a oleker a klisiich el mera klengar er kau, el reua meluluuch, mesuub chedaol llechukl, me a mesiou er a rebebil. Bom chau a Jesus Kristo me a ebangkelio er Ngii eng mo sebechem el metik el kmo a chelitechetum a sebechel mo klisichem. Mosiik a ngesou er a rechad ra blim, oungerachel er kau er a ikelesia, me a resemmong el counselor a bo mousbech. Tirkel tir a telemall le te smau a mekngit lomeruul, ea Ikelesia a olisechakl er sel prokuram er a moungil er a kse er kau lousbech a mekngit er a bedengem. Aikaikid a klengeltengat el Ikelesia er a Osobel a olab el mo olengeseu er kau el lmuut el mo mesisiich er a klengar er kau. Tia mo mela taem, be bol klou a rengum, e lak bol mesaul a rengum.

Ngak a soak a redil uaingak. Aikal kerbai ng mekera kuusbech? Sel soam a chad el di uai kau a diak el klengit. Alsekum e komelchesiu el uaisei engdi diak bomosiik e moruul, e kau a kiei loltirakl er a llechul a Chedam er a Babeluades er a klikiid. Kau a betik a rengul ngelekel a Dios e oltirakl er a Jesus Kristo. Bo molatk el kmo a Osobel a ungil medengei a rokui el bom siseb er a chesel tekoi. Ngokiu a telbiil Lobengkel, e kau a mo metik a klisiich el mo mengull a llechul a Dios e ngmai a klengeltengat me a yaksok er mlar Ngii. Moumerang er Ngii me a ebangkelio er Ngii.

Ak mle abused, e merur el kirel. Ngak a mla reuebet er a klengit? Sel kau a milemall er a tara chad a diak el rellau el ngara klengit. Kulengit me lak loberaod a uldesum ma rengum el kirel malechub e merur. A Osobel a betik a rengul er kau. Ngii a soal lolengeseu er kau, omekungil er kau, e meskau a budech. A resemmong el couselor, rechad ra blim, me a roungerachel er kau er a ikelesia a sebecherir el dirrek el ngosukau.

Mesa Genesis 1:27 (we are created in God’s image); Johanes 14:18 (a Osobel a yaskok ongelaod); Philippians 4:7 (a budech el ngara Dios a engelakl er a klemedengei er kid); Doctrine and Covenants 88:15 (a reng me a bedenged a chad); 89 (Ulekerreuil a Bedenged); 121:45 (a de kedung el omdasu a mekrolid el mo mesisiich er a klouelreng)

Ker er a kengei el mora templo

A Rubak a dilung el kmo a rokui el tekoi a mo keldmokl e beches er a uchei er Ngii (mesaDoctrine and Covenants 42:41). Ke melasm el mo klikiid a uldesuem me a omrelem? Ke oltirakl er a llach el kirel a klikiid er a tekoi er a deleboes?

Kau ke medengelii e oltriakl er a Llach er a Ulekerreuil a Bedenged?