იარეთ ღვთის ნათელში

შესაძლებელია, სულიწმინდა მუდმივ თანამგზავრად იყოლიოთ. როცა ეკლესიის წევრად დაგიმტკიცეს, თქვენ მოგიწვიეს: „მიიღეთ სულიწმინდა“. სულიწმიდის მუდმივი თანხლება არის ღმერთის ერთ-ერთი უდიდესი ძღვენი.

კარგი არჩევანის გაკეთება აუმჯობესებს თქვენს უნარს იგრძნოთ სულიწმიდა. ამ სამყაროში იმდენი კარგი და ჯანსაღი რამ არის. ზუსტად როგორც თქვენს სხეულზე აისახება ის, რასაც ჭამთ და სვამთ, ასევე თქვენს სულსა და გონებაზე აისახება ის, რასაც კითხულობთ, უყურებთ ან უსმენთ.

ყოველდღიურად დაუთმეთ დრო უფალს. შეიცანით იგი. ყოველთვის გახსოვდეთ იგი. ილოცეთ მამაზეციერისადმი. ისწავლეთ წმინდა წერილი და ცოცხალი წინასწარმეტყველების სიტყვები. შემდეგ ეცადეთ იცხოვროთ ნასწავლის მიხედვით.

ეძიეთ ის, რაც აგამაღლებთ, შთაგაგონებთ და იწვევს სულიწმიდას. როცა აკეთებთ არჩევანს იმის შესახებ, თუ რას უყუროთ, რა წაიკითხოთ, რას უსმინოთ ან რაში მიიღოთ მონაწილეობა, იფიქრეთ იმის შესახებ, რა გრძნობებს იწვევს ეს თქვენში. იწვევს ეს კარგ აზრებს? გაერიდეთ ყოველივეს, რაც სასაცილოდ იგდებს სიწმინდეებს ან ამორალურია. არ მიიღოთ მონაწილეობა არაფერში, რაც აკნინებს თქვენი განსჯის ან სულიწმიდის შეგრძნების უნარს, მაგ., ძალადობა, ალკოჰოლი და ნარკოტიკები. იქონიეთ გამბედაობა, რომ გამორთოთ ესა თუ ის ვიდეო ან თამაში, დატოვოთ კინოთეატრი ან საცეკვაო მოედანი, შეცვალოთ მუსიკა ან ზურგი შეაქციოთ ყოველივეს, რაც არ არის ჰარმონიაში სულიწმიდასთან.

გამოიყენეთ სოციალური ქსელები ასამაღლებლად. სოციალური ქსელები შეიძლება იყოს საუბრის ძლიერი იარაღი. მათი გამოყენებისას მოახდინეთ ფოკუსირება სინათლეზე, რწმენასა და ჭეშმარიტებაზე. არ შეადაროთ თქვენი ცხოვრება სხვების ცხოვრებას. გახსოვდეთ, რომ თქვენი ღირებულება გამომდინარეობს ზეციური მშობლების ყოლისგან და არა სოციალური ქსელებიდან.

ეძიეთ ჯანსაღი გამოცდილება და ჭეშმარიტი, ხანგრძლივი ურთიერთობები. ყურადღებით იყავით, რომ მედიამ და ტექნიკურმა საშუალებამ არ ჩაანაცვლონ ოჯახთან და მეგობრებთან გასატარებელი დრო. სოციალურ ქსელებსა და სხვა ტექნოლოგიურ საშუალებებს შეუძლიათ უამრავი დრო წაგართვან, სანაცვლოდ რამე მნიშვნელოვანი ღირებულების მოცემის გარეშე. შეისვენეთ ვირტულური სამყაროსგან და დაუკავშირდით ადამიანებს რეალურ ცხოვრებაში.

თქვენ შეგიძლიათ, ყოველთვის იყოლიოთ თანამგზავრად სულიწმინდა. ეს დაპირება არის იმ აღთქმის ნაწილი, რომელსაც ყოველ ჯერზე ზიარების მიღებისას დებთ. სულიწმიდა დაგიმოწმებთ მამაზეციერისა და იესო ქრისტეს შესახებ. იგი განუგეშებთ, წინ გაგიძღვებათ, გაგაფრთხილებთ და განგწმენდთ. იგი დაგეხმარებათ, ამოიცნოთ ჭეშმარიტება და დაინახოთ ამაქვეყნიური სიკეთე.