ღმერთის გეგმა თქვენ გეხებათ

ამ გეგმის ავტორი მამაზეციერია. იგი არის თქვენი სულის მამა და თქვენ მას უყვარხართ. მას სურს, თავისი უდიდესი დალოცვა გიბოძოთ – მასთან ერთად მარადიული ცხოვრება. სხვა სიტყვებით რომ ვთქვათ, მას სურს, უფრო მეტად დაემსგავსოთ მას და იცხოვროთ ისეთივე ხალისიანი და დიდებული ცხოვრებით, როგორიც თავად ცხოვრობს. მას აქვს ყოველივე ძალა და ცოდნა. თქვენ შეგიძლიათ ენდოთ მას, მაშინაც კი, როცა ცხოვრება რთულია.

იესო ქრისტე ამ გეგმას შესაძლებლს ხდის. სამყაროს შექმნამდე, ზეციურმა მამამ აირჩია იგი, რომ თქვენი მხსნელი გამხდარიყო. იესო ქრისტე არის ერთადერთი, ვისაც შეუძლია მამაზეციერთან თქვენი დაბრუნება. აი რატომ ვირჩევთ მის კვალზე სიარულს. ყველაფერი ამ არჩევანზეა დამოკიდებული!

ქორწინება და ოჯახი ღვთის გეგმის აუცილებელი შემადგენლებია. თქვენ ღვთის ოჯახის ნაწილი ხართ და ყოველი მისი სულიერი შვილი მოდის დედამიწაზე დედისა და მამის მეშვეობით. ღმერთს სურს, მისი ძენი და ასულნი მარადიული სრულყოფილებისკენ მიისწრაფოდნენ. მამაკაცებს და ქალებს თანაბარი წვლილი შეაქვთ მოსიყვარულე, გაერთიანებული ოჯახის შექმნაში. ოჯახური ცხოვრება აქ, დედამიწაზე, ყოველი არასრულყოფილების გათვალისწინებითაც კი, შეიძლება დიდი სიხარულის მომგვრელი იყოს. მისი დანიშნულებაა – დაგეხმაროთ ღმერთთან მარადიული ცხოვრებისთვის მომზადებაში.

გქონდეთ მარადისობის ხედვა. ყოველ ჯერზე, როცა ცდუნების, განცდის, გულგატეხილობის ან რთული არჩევანის წინაშე დადგებით, შეახსენეთ საკუთარ თავს ღვთის გეგმის შესახებ. გაიაზრეთ, რაოდენ გეხმარებათ ღვთის გეგმის მარადიული ჭეშმარიტების ცოდნა, სხვანაირად შეხედოთ თქვენს სირთულეებს.

ეძებეთ ღვთის ხელი თქვენს ცხოვრებაში. შეამჩნიეთ, როგორ გლოცავთ ღმერთი. ეს შეიძლება იყოს ვინმეს კეთილი საქციელი თქვენ მიმართ, სიმშვიდის მომენტი ან ლოცვაზე მიღებული პასუხი.

გააკეთეთ არჩევანი – მიჰყვეთ ღმერთის გეგმას. შეიტყვეთ, რა სურს თქვენგან ზეციურ მამას. ეძიეთ მისი წინამძღოლობა წმინდა წერილის, ცოცხალი წინასწარმეტყველების სიტყვების, ოჯახი - მოწოდება მსოფლიოს და თქვენი პატრიარქის კურთხევის შესწავლის დროს. ეს დაგეხმარებათ, მოემზადოთ მთელი ცოვრების განმავლობაში უფლის მსახურებისთვის და ასევე, როგორც სრული დროის მისიონერი. დააყენეთ პირველ ადგილზე უფლის მსახურება, მარადიული ოჯახი და შვილების აღზრდა. იესო ქრისტეს სწავლების მიხედვით ცხოვრებით შეიტანეთ წვლილი თქვენი ოჯახის ბედნიერებაში.

თქვენ შეგიძლიათ, წინ აღუდგეთ განსაცდელს სიმამაცითა და იმედით ქრისტეში. ღვთის მარადიული გეგმის ცოდნა გაძლევთ ფასეულ იარაღს, რომელიც მძიმე პერიოდში დაგეხმარებათ. თქვენ იცით, რომ ცხოვრება გაცილებით მეტი რამ არის, ვიდრე დაბადებასა და სიკვდილს შორის არსებული მოვლენები. თქვენ იცით, ვინ ხართ სინამდვილეში, რა დანიშნულება გაქვთ და რანი შეგიძლიათ გახდეთ მხსნელის დახმარებით. იესო ქრისტე თქვენი ძალაა!

იესო ქრისტეს კვალზე სიარულით თქვენ შეგიძლიათ მიიღოთ მარადიული სიცოცხლე. ის მოგცემთ ძალას, უფრო მეტად დაემსგავსოთ მას, დაუბრუნდეთ ზეციურ მშობლებს და მარადიულად იცხოვროთ საყვარელ ადამიანებთან ერთად. ენდეთ იესო ქრისტეს.