Jisōs Kraist enaaj jipan̄ eok

Sam 147:3

Jisōs Kraist ej am̧ kajoor. Em̧ōj an kōm̧m̧ane aolep men aikuji n̄an kwe n̄an bōk m̧ōņōņō ilo mour in im n̄an indeeo. Jān kāālet E im gospel eo An, kwoj kāālet lem̧ōņōņō im lan̄lōn̄ eo indeeo.

Men̄e kwoj kajjeon̄ jon̄an wōt am̧ maron̄ n̄an kōm̧m̧ani kālet ko rem̧m̧an, jet iien kwonaaj kōm̧m̧an bwōd. Kwonaaj kōm̧m̧anin men ko kwoj ļōmņak kwoban kar. Aolep rej. N̄e menin ej waļo̧k, epidodo n̄an en̄jake ebbweer ak ļōmņak eļan̄n̄e kwonaaj erom bwe. Ak ewōr nuuj em̧m̧an—aiboojoj, nuuj in kōjatdikdik! Kōnke Anij ej iakwe eok, E ekar jilkintok Nejin, Jisōs Kraist, eo ekar bōk ioon Make jerawiwi ko am̧ bwe kwon maron̄ ukweļo̧k, jeorļo̧k bōd, im eddōkļo̧k wōt.

M̧ool ko Ejjeļo̧k Jem̧ļo̧kier

Jisōs Kraist enaaj kōkajoor eok. E emaron̄ jipan̄ eok ukōt ikdeelel ko am̧, ļōmņak ko am̧, im jerbal ko am̧. N̄e kwoj inepata, mijak, ak apan̄ ilo jabdewōt wāween, Enaaj kaenōm̧m̧an kwe. E enaaj jipan̄ kwe ilo aolep wāween ko ilo mour eo am̧. Kwomaro̧n̄ en̄jaake E.

Ukweļo̧k ejjab juon kaje kōn jerawiwi; ej wāween eo Rilo̧mo̧o̧r ej kanemkwōj kōj jān jerawiwi. N̄an ukweļo̧k ej meļeļe in n̄an oktak—n̄an eļļo̧k jān jerawiwi im wōnm̧aanļo̧k n̄an Anij. Ej meļeļe in n̄an em̧m̧anļo̧k im bōk jeorļo̧k bōd. Kain oktak in ejjab juon wōt kōttan iien, ej juon jekjek ejjab jem̧ļo̧k.

Kūr ko

Kōm̧m̧an bwe Jisōs Kraist en pedped eo an mour eo am̧. Kappukot jipan̄ eo An ilo aolep men kwoj kōm̧m̧ane.

Ukweļo̧k. Oktakļo̧k n̄an Irooj kōn juon ikideelel n̄an em̧m̧anļo̧k. N̄e kwar kōm̧m̧an juon men ebōd, m̧ool ilo kwaļo̧k im̧aan Anij im, n̄e aikuj, n̄an bisop eo am̧ im jabdewōt eo kwomaron̄ kar kōjoreene. Kōm̧m̧ane jon̄an wōt am̧ maron̄ n̄an kōm̧m̧ane men ko rejim̧we.

Mōņōņō ilo menin letok eo n̄an kōm̧m̧an em̧m̧anļo̧k im n̄an em̧m̧anļo̧k. Men̄e ejjab pidodo im ebōk iien aitokļo̧k jān am̧ kōņaan, jab pojrak in kajjion̄. Jerbal wōt im lōke ilo Irooj. E enaaj jipan̄ eok ilo aolep bun̄tōn.

Jisōs ej jijet ilo aibōj laļ eo ippān juon kōrā in Samaria

Kōjeraam̧m̧an ko kar Kallim̧ur kaki.

Jemādwōj Ilan̄ enaaj jeorļo̧k bōd im kemour eok ilo am̧ ukweļo̧k. E enaaj joļo̧k ajļo̧k eo am̧ kōn aenōm̧m̧an im lan̄lōn̄. E epan bar keememej jerawiwi ko am̧. Jisōs Kraist ej am̧ kajoor im kōn An kajoor, am̧ ikdeelel n̄an kōjparok kien ko An naaj ļapļo̧k.

Enaaj ukōte buruōm̧ im mour eo am̧. Jidik kōn jidik, kwonaaj eddōkļo̧k im erom̧ āinwōt E.

Kajjitōk im Uwaak ko

Ewi wāween aō jeļā bwe em̧ōj an Anij jeorļo̧k aō bōd? Anij ekar kallim̧ur ke E enaaj jeorļo̧k bōd an ro rej ukweļo̧k. N̄e kwoj en̄jake kaenōm̧m̧an jān Jetōb, kwomaron̄ jeļā bwe kajoor in pinmuur eo an Rilo̧mo̧o̧r ej jerbal ilo mour eo am̧.

N̄aat eo ij aikuji jipan̄ eo an bisop eo n̄an ukweļo̧k? Bisop eo am̧ ej kabwijer ki ko an priesthood eo im ewōr ippān menin letok ko an jetōb n̄an jipan̄ eok ukweļo̧k. Kwomaron̄ kappukot jipan̄ eo an im ko̧o̧njeļ ilo jabdewōt iien. Eļan̄n̄e kwar kōm̧m̧ani bōd ko reļļap, eo āinwōt kakkure kien erreo, kweilo̧k ippān bisop eo am̧. E eban kaje kwe. Ej juon eo ej pād ilo etan Jisōs Kraist im enaaj jipan̄ kwe jeļā lukkuun elmen lukkuun ukweļo̧k im bōke kōmour im kajoor eo an Rilo̧mo̧o̧r eo.

Ij kajjeon̄ in ukweļo̧k, ak ilakkar kōm̧m̧ane ejja bwōd ko wōt. Ta eo ij aikuj kōm̧m̧ane? Jab Ebbweer. Oktakļo̧k n̄an Kraist, im door am̧ tōmak ilo E. An jouj ebwe. Bar kajjieon̄. Kwoj jab make iaam̧ ilo kijejeto ko am̧ n̄an wōnm̧aanļo̧k. Jisōs Kraist ej pād ippam̧ iien otemejej.

Lale Inōs 1:6 (bōd maron̄ bōkļo̧k); Mosaia 4:3 (kōn Jetōb Kwojarjar eo, Anij ej kōm̧m̧an bwe kwōn jeļā em̧ōj jeorļo̧k am̧ bōd); 26:30 (Rilo̧mo̧o̧r eo ej emakijkij an jeorļo̧k bōd ilo ad ukweļo̧k); Ether 12:27 (jouj eo an Rilo̧m̧o̧o̧r eo emaron̄ kōm̧m̧an bwe men ko rem̧ōjņo̧ ren men ko rekajoor); Moronai 6:8 (those who repent are forgiven); 10:32 (kwoj weppāān āinwōt Kraist); Katak im Bujen Ko 1:32 (Irooj ej jeorļo̧k bōd an ro me rej ukweļo̧k); 58:42–43 (ukweļo̧k ekitbuuj kwaļo̧k ruōn im meļo̧kļo̧k jerawiwi).

Kajjitōk ko an Peba in Mālim Deļo̧n̄e Tampeļ

Ewōr ke am̧ naan in kam̧ool kōn Pinmuur eo an Jisōs Kraist im jerbal eo An āinwōt am̧ Rilo̧mo̧o̧r im Ripinmuur?
Ewōr ke jeraiwiw ko reļļap ilo mour eo am̧ me rej aikuj in ņa mejļaer ippān ritōl ro an priesthood rōmālim ejja m̧ōttan wōt ukweļo̧k eo am̧?