Ennaan eo jān Būreejtōnji eo Kein Kajuōn

Kōmij iakwe kom̧, im kōmij lōke kom̧. Em̧ool kom̧ij pād ilubwiljin jetōb ko kāleti jān Jemedwōj Ilan̄, jilkintok n̄an laļ in ilo tōrein n̄an kōm̧m̧ani men ko raorōk.

Kom̧ kajoor im eļapļo̧k ami ekkeke jān ami maron̄ kile. Im n̄e kom̧ij pedped ioon Rilo̧mo̧o̧r eo, em̧ool kajoor eo ami ej eddōkļo̧k wōt. E ej “kajoor eo an jodikdik ro.”

Unin tōl in enaaj jipan̄ kom̧ kalōk juon pedped edim n̄an kōm̧m̧ani kāālet ko n̄an pād wōt ioon iaļ eo me ej tōlļo̧k n̄an mour indeeo. Enaaj jipan̄ kom̧ kōppopo n̄an kōm̧m̧ane bujen ko rekwojarjar ilo tampeļ, kōppopo n̄an jerbale juon mijen, im pukōt m̧ōņōņō ilo am̧ ļoore Jisōs Kraist ilo aolepen mour ko ami. Ewōr juon jikūmi eaorōk ilo Kabun̄ in. Jisōs Kraist enaaj jipan̄ kom̧ kakūrm̧ool jibadbad ko An n̄an kom̧.

Kōm jeļā ke Anij emour. Ej jar eo am in bwe kom̧ naaj pād wōt ippān baam̧le ko ami ilo iaļ in bujen eo—iaļ eo an kōm̧m̧an im kōjparok bujen ko ippān Anij rekwojarjar. Ej iaļ eo me ej tōlļo̧k n̄an Jemedwōj Ilan̄. Ilo ami kōm̧m̧ane, kom̧ naa juon kareel n̄an em̧m̧an, kwaļo̧k gospel eo ilo lan̄lōn̄, aintok ajri ro nejin Anij, im kōpooj laļ in n̄an Itok eo Kein Karuo an Rilo̧mo̧o̧r eo. Keememej: Jisōs Kraist ej ami kajoor.