“A Jesus Kristo a mo ngosukau,” Kirel a Klisichir a Rengeasek: Omekrael Omelilt (2022)
“A Jesus Kristo a mo ngosukau,” Kirel a Klisichir a Rengeasek: Omekrael Omelilt
A Jesus Kristo a mo ngosukau
Psalm 147:3
A Jesus Kristo a klisichem. Ngii a mla remuul a rokui el tekoi el ulsbechall el kirel a deureng er kau er tial klengar me a diak a ulebengelel. Sel molilt er Ngii me a ebangkelio er Ngii, e kau a melilt er a diak a ulebenglel el deureng.
Ngii mesel blak a rengum el melilt a ungil, e sel bebil er a team e ke mecheuid. Ke remuul a tekoi e oureng mel dimlak mruul. A rokui el chad a di uaisei. Sel dubech tiang, eng beot el mo diak ra rengum malechub e ke omdasu el kmo tiang locha sebechem el mo ungil er ngii. Engdi ngarngii a ungil chais—klebokel, e ungil a rengud el kirel chais! Le uchul a Dios el betik a rengul er kau, e nguldureklii a Ngelekel, Jesus Kristo, e Ngii a ngilai a kngtim me bol sebechem el mouchel kirel e melemolem el mukeroul.
Cherechar el klemerang
A Jesus Kristo a sebechel smisichau. Ngii a sebechel ngosukau el ngmodech a soam, uldesuem, me a omerellem. Sel omsimbai, medakt, malechub eng ngarngii a ngii dil omchetituokel er ngii, Ngii a mo sumecheklau. Ngii a mo ngosukau er a rokui el teletelel a klengar er kau.
A ouchel reng a diak el klsbengel a klengit; tiang a teletael el Osobel a ngubetid er a kngtid. A ouchel a belkul a mo mengodech—mo ikrii a klengit e mo chemau a Dios. Ng belkul a merael mo ungil e nguu a klausubes. Tial bedechel a mengodech a diak el dil tal el taem; tia di melemolem el teletael.
Ongit
Ouchelreng. Bom chau a Rubak el oba klemeriar reng el merael moungil. Sel mrelii a kmong ngerang el cheleuid, bo mera louchais er medal a Dios sel kirel, mora bishop me a rokui el kau a locha tilmelterir. Bora rokui el sebechem el remuul a tekoi el mo melemalt.
Moutkeu er a sengk el mo meruul a tekoi el moungil e moungil. Ngii mesel diak el beot e kemangel taem er sel kau a soam, lak meterob el melasem. Di moureor e moumerang er a Rubak. A Osobel a mo ngosukau er a bek el bekes er a rael.
Mla metib el klengeltengat.
A Jesus Kristo a mo ousubes e omekungil er kau se bo mouchel a kngtim. Ngii a mo mtechir a ouchel er kau loba budech me a deureng. Ngii a dikea luut el mo melatk a kngtim. Ngokiu a klisichel, ea klemeriar reng er kau el mo olab a llechul a mo mechisois.
Ngii a mo ngodechii a rengum me a klengar er kau. Ng mekekokil merael, e kau mo mukeroul e mo uai Ngii. Se lomech el telbiil Lobengkel a mo meskau a siseball el mora Klisichel.
Ker me a nger
Ak mekera e medengei el kmo a Dios a mla ousubes er ngak? A Dios a yaksok el mo ousubes er tirkel tir a mouchel er a kngterir. Sel mo melchesiu er a ongelaod er a Reng, eng sebechem el medengei el kmo sel klisichel a tngakireng er a Osobel a oureor er a klengar er kau.
Ng oingerang e ak ousbech a ngesou er a bisop el mo ouchel a renguk? A bisop er kau a olab a priesthood kiis me a chedaol sengk el mo ngosukau el mouchel a rengum. Ng sebechem el mosiik a ngesou er me a osisechakl er a ngii di el taem. Alsekum e ke mla rulii a klou el cheleuid, el uai ea tomelii a llechul a klikiid, e bo mesa bisop er kau. Ng diak lolebeakl er kau. Ngii a omtechei er a Jesus Kristo meng mo ngosukau el mo meduch el meral mouchel er a kngtim e nguu a omekungil me a omelisiik el klisichel Osobel.
Ak melasem el mouchel a renguk, eng di ak di blechoel el rulii osisiu el cheleuid. Me ak mekerang?” Ke de ousbech a klou el taem el mekdubech a ungil blekeradel e chemoit a mekngit, me lak bol mesaul a rengum. Bo mchau a Kristo A krasia er Ngii a sebechel. Mluut el melasm. Kau a diak a tang mel dil kau er a urerem el mereael moungil. A Jesus Kristo a di blechoel el obengkem.
Mesa Enos 1:6 (a ringelel a bdelud ra kngtid a sebechel mengai el morcheroid); Mosiah 4:3 (lokiu Chedaol Reng, ea Dios a ouchais el kmo ng mla ousubes er kau); 26:30 (A Osobel a blechoel lousubes sel douchel a kngtid); Ether 12:27 (a krasia er a Osobel a sebechel remuul a chelitechetud el mo klisiched); Moroni 6:8 (tirkel mouchel a kngterir a mo nguu a klausubes); 10:32 (bom cherrungel er a Kristo); Doctrine and Covenants 1:32 (a Rubak a ousubes er tirkel mouchel ra kngterir); 58:42–43 (a ouchel reng a uldimukl a ocholt e mocheroid er a klengit).
Ker er a kengei el mora templo
Ngar er ngii a klaumerang er kau er a Dios, el Diak a Ulebengelel Chedam; Ngelekel, el Jesus Kristo; me a Chedaol Reng?
Ngar er ngii a klaumerang er kau er a Tngakireng er a Kristo me a Urerel el Osobelem e Olsobel?