Moruul a ulekrael lomelilt

Ngara Kirel a Klisichir a Rengeasek, e ke mometik a osisecheklel a Jesus Kristo me a re profet er Ngii. Aikakid el klemerang el mo omekrael er kau, eng sebechem el meruul a ulekrael omelilt el mo cherechar.

A Jesus Kristo a rael el mora diak a ulebengelel deureng. Mesel mousbech er a mimokl el melilt el mo oltirakl er a Jesus Kristo, e kau a ngara rael el omekrael el mora diak a ulebengelel deureng. Bom nguu a Jesus Kristo mel kerbai er kau, mesisiich el bedul a uchetemem. Moleteket er a klengar er kau er a Osisecheklel, e molkael omolilt lokiu ngii. A telbiil omriruul er a ometecholb, me a chedaol belsoil, me a templo a meleketek er a mesisiich el delecherum er a Kristo. Ke dirrek el dirk mo obangel a ringel me a ngibesereng, engdi a Chedam er a Babeluades me a Osobel a mo ngosukau er ngii el rokui.

Kau a betik er a rengul el reng el ngelekel a Dios. Sel klou el uldesuel er a deureng a rulii meng sebechem el mukeroul er a chedaol tekoi e mekerulii a chedaol teletelem. Tiaikid a uchul me Ngii a uldureklii a Jesus Kristo el mo Osobelem.

A Demam el ngara Babeluades a oumerang er kau. Ngii a mla meskau a meklou el klengeltengat, uldimukl sel mui el ebangkelio me a chedaol ruoll me a telbiil el ngii a rongedau el mo er Ngii e msa Kisichel er chelsel a klengar er kau. Aika el klengeltengat obengkel a ngerachel. Ngii a medengei el kmo ng sebechem el ngarngii omngedecheii er a beluulechad, e tiang ousbech, el betok el taem, el kau a ngodech er a beluulechad. Mosiik omekrael er a Demam er a Babeluades sel molilt. Ngii a mo onger er kau el okiu Chedaol Reng.

A moktek er a Kirel a Klisichir a Rengeasek a momeskau a “choi” malechub a “diak” er a rokui el ngii a bom chebangel el sebechem el melilt. Ng bai—Rubak a oleker er kau el mo kiei er sel ngarbab e chedaol teletael —el ngii a Teletelel. Tial omekrael a mo olisechakl er kau el kirel a Teletelel. Ng smaod a klemerang el Ngii a mla ocholt. Mrull aikaikid el klemerang me bo lomekrael er kau sel molilt—a meklou el molilt, el reua meruul a telbiil er a templo me a mo misionari, me a dirrek el omelilt er a bek el sils, el reua ng mekera omoruul el mora rechad malechub e ke mekera mengoit a temem.

Meng sebechir a rebebil el ngosukau, a chedaol el ulekerulem a ngar kau. Tia delongelem kau me a Rubak. Ngii a medengelii a rengum, e kmal di Ngii el tang ea mo merritel. Bo er sel sebechem el merael moungil er a bek el sils, molab a llechul a Dios e mongull a telbilem, e molngeseu er a rebebil el mo kmeed er a Osobel.

Mesa Mosiah 4:29–30 (a teletael mora klengit a beotk, meng kired el mo kerekikl); Helaman 5:12 (mteketekii a uchetemem er a Kristo); Doctrine and Covenants 45:57 (mnguu a Chedaol Reng el momekrael er kau); 82:15 (mrengedau el mora Rubak lokiiu a telbiil).

Ng mekera tial omekrael er a le mechederoder

A bek el dai a ngarngii a kldei el techetechel:

1. Cherechar el klemerang, malechub eng suobel er a mla moluut el ebangkelio er a Jesus Kristo

2. Ongit el mo meruul aika el klemerang.

3. Mla metib el klengeltengat el Rubak a omesterir tirke el kiei Osisecheklel.