Liahona Tīsema 2025

Kanotohi
Pōpoaki Faka-Kilisimasi ʻa e Kau Palesitenisī ʻUluakí
Ngaahi Talanoa Lalahí
Leʻo ʻo e Kau Māʻoniʻoni ʻi he Ngaahi ʻAho Kimui Ní
Kakai Lalahi Kei Talavoú
Hokohoko atu ʻa e Ngaahi Meʻa Ne Hokó
- Fakatātā Hisitōlia ʻo e Siasí
  Temipale Salt Lake
Ngaahi Ongoongo Fakalotofonua ʻo e Pasifikí

ʻI Loto ʻi he Takafi Muí

Liahona Tīsema 2025

Fakatātā Hisitōlia ʻo e Siasí

Temipale Salt Lake

Temipale Salt Lake — Tā valivali ʻo e Temipale Sōlekí

ʻI he tokolahi e kakai hakoʻi ʻAfilika ne kau ki he Siasí ʻi he 1960 tupú mo e 1970 tupú, naʻe fakautuutu e hohaʻa ʻa Palesiteni Sipenisā W. Kimipolo mo e kau taki kehe ʻo e Siasí fekauʻaki mo e ngaahi fakangatangata ki he fakanofo ki he lakanga fakataulaʻeikí mo e kau mai ki he temipalé. ʻI Sune ʻo e 1978, naʻe fakataha ai ʻa e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá ʻi he Temipale Sōlekí mo lotua ha fakahā. Naʻa nau maʻu ʻa e tali ʻoku totonu ke toʻo ʻa e ngaahi fakangatangatá, ʻo hangē ko hono lekooti ʻi he Fanongonongo Fakamafaiʻi 2.

“Kuo … ʻafio mai [ʻa e ʻEikí] ki heʻemau lotú, pea kuó ne fakapapauʻi mai ʻi he fakahā kuo hokosia ʻa e ʻaho ko ia kuo talaʻofa fuoloa maí ʻa ia ʻe lava ai ʻe he tangata tui faivelenga, mo feʻunga mo taau kotoa pē ʻi he Siasí ʻo maʻu ʻa e lakanga fakataulaʻeiki toputapú, fakataha mo e mālohi ke nau ngāue ʻaki ʻa hono mafai fakalangí, pea fiefia fakataha mo hono kakai ʻofeiná ʻi he tāpuaki kotoa pē ʻoku tafe mai mei aí, kau ai ʻa e ngaahi tāpuaki ʻo e temipalé” (Fanongonongo Fakamafaiʻi 2).