Pōpoaki Faka-Kilisimasi ʻa e Kau Palesitenisī ʻUluakí

ʻOku tau fiefia ʻi heʻetau manatua hotau Fakamoʻui ko Sīsū Kalaisí. Naʻe ʻaloʻi Ia ʻi ha ngaahi tūkunga fakatōkilalo. Naʻe talaki ʻe he kau ʻāngelo mei he langí ʻa Hono ʻaloʻí. Naʻá Ne malanga ʻaki ʻa e ongoongolelei ʻo e fakatomalá, ʻamanaki leleí, mo e moʻui taʻengatá.

Naʻá Ne fakaʻā ʻa e mata ʻo e kuí, ʻai ʻa e tulí ke fanongo, fakamoʻui ʻa e faʻahinga faingataʻaʻia kotoa pē, pea fokotuʻu hake ʻa e maté. Ko Ia ʻa e ʻAlo Pē Taha ʻo ʻetau Tamai ʻi Hēvaní, ko e ʻUluaki Fānau ʻo e fānau fakalaumālie ʻa e ʻOtuá. Fakafou ʻi Heʻene feilaulaú mo e Fakalelei taʻefakangatangatá, ʻe lava ke tau fakalelei ai mo e ʻOtuá ʻi he talangofua mo e fakatomala.

ʻI he faʻahitaʻu ko ʻeni ʻo e māmá mo e loto-leleí, ʻoku tau fiefia ʻia Sīsū Kalaisi mo ʻEne palani taʻengata ʻo e fiefiá. ʻOku mau fakaafeʻi kimoutolu ke mou fekumi kiate Ia mo e ngaahi tāpuaki ʻo ʻEne melinó. Kilisimasi Fiefia!

Kau Palesitenisī ʻUluakí