Ua Faamanatu e le Au Paia o Aso e Gata Ai i Fiti le 70 Tausaga o le Faatuatua ia Iesu Keriso

I le faaiuga o le vaiaso o le 16–18 o Me, sa faamanatu ai e tagata lotu ma uo O Le Ekalesia a Iesu Keriso o le Au Paia o Aso e Gata Ai i Suva le 70 tausaga o le taunuu atu o le talalelei toefuataiina ma le Ekalesia a Iesu Keriso, i atumotu o Fiti.

O Elder Taniela B. Wakolo, o le sui o le Au Peresitene o le Eria a le Pasefika o Le Ekalesia a Iesu Keriso o le Au Paia o Aso e Gata Ai, na uunaia tagata o le Ekalesia o Fiti e faamanatuina lenei matati‘a e ala i le faaali atu o lo latou tuuto i le Tama Faalelagi ma Lona Alo, o Iesu Keriso.

“E leai se auala sili atu e faataitai ai i le soifuaga o lo tatou Faaola, o Iesu Keriso, nai lo le alu atu ma taumafa ma le loto i ai i le faamanatuga i Aso Sa uma, faapea foi ma le alu atu i le maota o le Alii.

Ou te folafola atu ia te outou, pe a outou faia lena mea, o le a avea ai ma se 70 tausaga faamanatu e manatua pea, ae faapena foi ona avea ma se auala e manatua pea e saunia ai i tatou mo le 100 tausaga o le faavaeina o le Ekalesia i Fiti.”

Sa faapea foi ona saunoa e uiga i lenei aso faamanatu, na saunoa ai Elder Paul B. Whippy, “Uso e ma tuafafine, o se vavega lenei mea. O se vavega moni lenei, lea na amata i le 14 tagata lotu o le Ekalesia i le 1954. Fitusefulu tausaga mulimuli ane, ua 24,000 o tatou tagata lotu, ma o lo o faaauau pea ona tuputupua‘e.”

Sa amata le faamanatuga i le Aso Tofi, 15 o Me, i le Malumalusa o Fiti i Suva i le motu autu o Viti Levu.

I le Aso Faraile na siitia atu ai le faailogaina i le Faletaalo a le Atunuu lea na faailo ai aganuu e tele o le Pasefika i Saute i le polokalama.

Sa talimalo le Kolisi a le Ekalesia i Fiti i taaloga ma se aso o gaoioiga i le Aso Toonai, ma o le Aso Sa, sa faia ai se faigalotu i le Malae a le Vodafone.

I lana saunoaga e uiga i le aso i le malumalu, na saunoa ai le Peresitene o le Malumalu o Fiti, o Meli Ulayawa Lesuma, “O le aso 15 o Me o le a alu ifo i le talafaasolopito mo le Malumalu o Fiti i Suva. O le taimi muamua na mafai ai ona matou tatala mai le taeao e oo i le afiafi, ma sa i ai [Tagata lotu o le Ekalesia mai] siteki uma e fa iinei i Fiti sa auai.”

O le amataina o le faamanatuina i le malumalu o se nofoaga autu maoti mo le Aupaia i Fiti lea o le tele o tagata o le Ekalesia, laiti ma matutua, e auai ma le olioli i sauniga, lea e tuufaatasia aiga mo le faavavau.

O sauniga o le malumalu o ni sauniga paia e faatino e fai ma sui o tagata o le aiga ua maliliu ma e totonugalemu i aoaoga faavae a le Aupaia o Aso e Gata Ai e faapea o aiga e mafai ona faatasia e faavavau.

I le faafiafiaga faaleaganuu, e faitauselau tagata faafiafia na fai ma sui o atumotu e tele o le Pasefika i Saute lea o se vaega o le tamaoaiga tau i measina a le Ekaleesia i Fiti. O vaega taitasi sa a‘oina a latou musika, pese, ma siva i vaiaso ao lumanai ai le faamoemoe ma sa faatino ma le naunautai tele mo le aofia toatele sa potopoto atu e matamata.

I le aso o taaloga ma gaoioiga i le Kolisi a le Ekalesia i Fiti, sa faafiafia ai le failipu savali a le militeri, ma o tagata auai sa auai i gaoioiga faaletino ma le fiafia, e faamanatu i tagata uma o le Ekalesia o se nuu o le olioli/fiafia.

I le Aso Sa, sa faapotopoto ai le faitauselau o tagata o le Ekalesia ma uo mo le faigalotu faaiu i le Malae a le Vodafone i le laumua o Suva.

Sa faasoa mai e aufaipese musika matagofie, ma sa maimoaina e i latou na auai se vitio faasolopito e uiga i le Ekalesia i Fiti, faapea foi se savali i se vitio mai i a Boyd Harris, o se tasi o faifeautalai e toalua sa auina atu i Fiti mai le Misiona a Toga i le 1954.

O Elder John R. Higgins, o le Fitugafulu Eria (taitai faarisone i le Ekalesia), sa uuna‘ia tagata uma sa auai e faamalolosia o latou faatuatua i a Iesu Keriso.

O Elder Taniela B. Wakolo, o le sui o le Au Peresitene o le Eria o le Pasefika a le Ekalesia, sa ia faamanatu i tagata uma na auai e, “Ia faaaloalogia paionia uma sa auai ma avea ai le talalelei a Iesu Keriso o se mea moni iinei i Fiti. Tatou te faaaloalogia ia Aupaia i Toga ma Samoa ma e oo lava i le IS mo le fesoasoani mai i a i tatou e avea ma atunuu, o se atunuu ua faatuina ai ma le mautu le Ekalesia a Iesu Keriso.”

I le aloa‘ia ai o ni laasaga tetele ua faia e le Ekalesia i Fiti, sa faaaogaina ai e Elder Wakolo upu a Russell M. Nelson, Peresitene O Le Ekalesia a Iesu Keriso o le Au Paia o Aso e Gata Ai:

“Ou te tatalo ina ia tatou lē misia le mamalu o lenei taimi! O loo faanatinati moni e le Alii Lana galuega.”