O Le Ekalesia i Ekuatoa

Na faatoa taunuu faifeautalai o Le Ekalesia a Iesu Keriso o le Au Paia o Aso e Gata Ai i Ekuatoa ia Oketopa 1965, ma o uluai tagata liliu mai na papatisoina i le faaiuga o lena masina. Sa faatulagaina se paranesi i le 1966, ma sa faatulagaina le uluai siteki i le 1978. Sa auauna atu tagata o le Ekalesia i Ekuatoa i le tasi ma le isi ma o latou nuu i le tali atu i faalavelave faalenatura ma isi luitau. I le taimi nei, o le Ekalesia i Ekuatoa ua i ai le:

• tusa ma le 264,800 tagata o le ekalesia

• 44 siteki, 327 uarota ma paranesi, 6 misiona

• 2 malumalu (Guayaquil ma Quito)

Filemu ia Keriso

Fai mai Alejandro Tersek (luga, i le agavale) mai le Siteki a Machala Ekuatoa, “Matou te taumafai e faatumau le taulaiga o o matou olaga i le Faaola. Ua aumaia e le talalelei a Iesu Keriso ia i matou se filemu e le mafai e se isi lava mea i lenei lalolagi ona tuuina mai ia i matou.”