Ko e Siasí ʻi Mongokōlia

Kuo tupulaki maʻu ai pē ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Mongokōlia talu mei he fuofua tūʻuta ai ʻa e kau faifekau hoa-mali matuʻotuʻá ʻi he 1992. Naʻe papitaiso ʻa e kau fuofua papi ului ʻi Mongikōliá ʻi he 1993, pea naʻe fokotuʻu ʻa e fuofua kolo [ʻo e Siasí] ʻi he taʻu pē ko iá. ʻI he 1995, naʻe fokotuʻu ai ʻa e fuofua misioná. ʻI he ʻaho ní, ko e Siasí ʻi Mongokōlia ʻoku ʻi ai ha:

• kāingalotu ʻe toko 12,400 (fakafuofuaʻi)

• siteiki ʻe 2, uooti mo e kolo ʻe 24, misiona ʻe 1

• temipale ʻe 1 (ke langa ʻi ʻUlanipata)

Ngaahi Tāpuaki Fakalaumālié

ʻOku pehē ʻe Muniki-Oti ʻAlatanisuki (ʻolunga, toʻomataʻú) mei he Siteiki ʻUlanipata Hahaké, “ʻOku ou maʻu ha ngaahi aʻusia fakalaumālie ʻoku taʻe-hano-tatau hono mahuʻingá ʻo fakafou ʻi ha ngaahi ngāue kehekehe hangē ko e ako e folofolá, tokoni ki he niʻihi kehé, mo e moihū ʻi he temipalé. ʻOku ou ʻilo ʻe tokoniʻi kitautolu ʻe hono toutou fakahoko ʻo e fanga kiʻi meʻa iiki mo faingofua ʻo e ongoongoleleí ke tau fakalakalaka ai ki he hakeakiʻi fakafāmilí.”