Liège, Peleseuma

O le talalelei toefuataiina a Iesu Keriso atonu na muai taunuu i Peleseuma ina ua amata ona aoaoina e se tagata liliu mai o le Au Paia o Aso e Gata Ai mai Take, o Mischa Markow, le aiga o Esselman i le 1888. Ina ua uma ona papatisoina i latou, sa amata ona auauna atu faifeautalai i Suitiselani ma Siamani i Peleseuma. I le lua masina, e 80 tagata na auai i le Ekalesia, ma na faatulagaina ia faapotopotoga i Liège, Brussels, ma Antwerp. O le asō, O Le Ekalesia a Iesu Keriso o le Au Paia o Aso e Gata Ai i Peleseuma ua i ai le:

• 6,600 tagata (pe a)

• 2 siteki (11 uarota, 2 paranesi)

• 1 malumalu (na faasilasila mai i le 2021, o le a fausia i Brussels)

Faamanuiaga o le Suesue i Tusitusiga Paia

Fai mai Karen Wery o le Uarota a Namur e uiga i lona aiga: “Matou te suesue faatasi i a matou tusitusiga paia ma faasoa atu o matou manatu ma musumusuga i le tasi ma le isi. Matou te faaaogaina tusitusiga paia ae faapea foi vitio ma isi punaoa, e pei o le mekasini o le Uo , e fesoasoani ai i a matou fanau ia malamalama lelei i le aoaoga faavae autu. O le aafiaga sili ua matou maua o le tuputupu ae lea o le lotogatasi i lo matou fale.”