Hisitōlia ʻo e Siasí
Fufulu ʻo e Vaʻé

“Fufulu ʻo e Vaʻé,” Ngaahi Tefito ʻi he Hisitōlia ʻo e Siasí

“Fufulu ʻo e Vaʻé”

Fufulu ʻo e Vaʻé

Lolotonga e ʻOhomohe Fakaʻosí, naʻe toʻo ʻe Sīsū ha holoholo mo ha poulu vai ʻo fufulu e vaʻe ʻo e kau ākongá. Naʻe muimui ha kulupu faka-Kalisitiane ki he sīpinga Fuakava Foʻou ko ʻení ʻo fufulu e vaʻé ko ha fakataipe ʻo e loto fakatōkilaló pe feohi fakatokouá. ʻI ha fakahā kia Siosefa Sāmita ʻi Tīsema 1832 naʻe fie maʻu kinautolu naʻe ʻi he Akoʻanga ʻo e Kau Palōfitá ke nau kau ki hono fufulu ʻo e vaʻé. Naʻe fekau ʻe he ʻEikí e kaumātuʻá ke “fakamaʻa homou nimá, mo homou vaʻé ʻi hoku ʻaó” ko ha fakamoʻoni kuo nau “maʻa mei he toto ʻo e toʻu tangata faiangahalá ni.” Naʻe fuofua kau atu ʻa Siosefa Sāmita mo ha kau mēmipa kehe ʻo e akoʻangá ki he ouau ko ʻení lolotonga e ʻuluaki faʻahitaʻu ʻo e akó ʻi Sānuali 1833. ʻI he ofi ke kakato e langa ʻo e Temipale Ketilaní, naʻe fakamatala ʻe Siosefa Sāmita ki he kau mēmipa ʻo e akoʻangá ko e “ouau fufulu ʻo e vaʻé” ko hano fakafoki mai ia ʻo e founga he Fuakava Foʻoú “ne faʻu ke fakatahatahaʻi hotau lotó” mo teuteuʻi e kaumātuʻá ki ha ʻenitaumeni ʻo e mālohi fakalaumālié. Naʻá ne toe akoʻi foki naʻe fie maʻu ke fai e ouaú ʻi ha feituʻu “makehe mei he māmaní.” Ne pehē foki ʻi he ʻaho 29 ʻo Māʻasí mo e 30 ʻo Māʻasi, 1836, fakafuofua ki ha kau maʻu lakanga fakataulaʻeiki ʻe toko 300 mei he feituʻu Ketilaní, kau ai ʻa Siosefa Sāmita mo e kau taki ʻo e Siasí, naʻa nau fakataha ke fefufuluʻaki honau vaʻé.

Ngaahi Tefito Fekauʻakí: Akoʻanga ʻo e Kau Palōfitá, Fakakoloaʻi ʻaki ʻa e Mālohí

Maʻuʻanga Fakamatalá

  1. Sione 13:1–17.

  2. Vakai, Matthew J. Grow, “‘Clean from the Blood of This Generation’: The Washing of Feet and the Latter-day Saints,” ʻi he Richard Lyman Bushman, ed., Summer Fellows’ Papers, 2000–2002: Archive of Restoration Culture (Provo, Utah: Joseph Fielding Smith Institute for Latter-day Saint History, Brigham Young University, 2005), 131–33.

  3. “Revelation, 27–28 December 1832 [DC 88:1–126],” ʻi he Revelation Book 2, 40, josephsmithpapers.org.

  4. “Minutes, 22–23 January 1833,” ʻi he Minute Book 1, 7, josephsmithpapers.org.

  5. Joseph Smith, Journal, 1835–1836, 32, 33, josephsmithpapers.org; vakai foki, Tefitó: Fakakoloaʻi ʻaki ʻa e Mālohí.

  6. Joseph Smith, Journal, 1835–1836, 32.

  7. Joseph Smith, Journal, 1835–1836, 186–88. Naʻe fakafeʻiloaki e fufulu ʻo e vaʻé ʻi Ketilani pea toe fakamoʻui taimi nounou ia ʻi hano fokotuʻu ʻo e Akoʻanga taimi nounou ʻo e Kau Palōfitá ʻi ʻIutā ʻi he 1883. Grow, “Clean from the Blood of This Generation,” 135–36. Naʻe fakatefito foki mo hono fai ʻo e founga tatau kae ʻikai felāveʻi ʻo hono tūtuuʻi e efu ʻo e vaʻé, ʻi ha potufolofola Fuakava Foʻou pea fakangofua ʻi ha fakahā, ʻa ia naʻe fakahoko ʻe ha tokolahi ʻo e kau faifekau he senituli 19. Vakai, Tefitó: Kau Fuofua Faifekaú.