Au Tangira ibukin te Tia Kamaiu Bon “Bukin Bwaai Irou”

Kamwa tia n nonoria ae ara burabeti ae tangiraki, Beretitenti Russell M. Nelson, e aki toki n kakanakoa ana kakao nakoira? N akea te kakubanako, e a tia ni manga kaoira bwa tina kamatebwai man iangoi raoi inanora rongorongo ake a tibwauaaki n maungatabu ake uoua ake a tibwa nako. N Eberi 2024, e taekinna, “Au kaantaninga bwa kam na kaokioka kamatebwaian rongorongo man te maungatabu aei i nanon namwakaina aika a na roko.” Ao, n Okitobwa 2024, e taekinna, “I kaumaki ngkami bwa kam na kamatebwaia aia rongorongo [taan taetae]. Kabonganai ni kunea bwa te raa ae eti ao e kairua inanon onoua te namwakaina mangkai.”

Kakao aika a kona n ikotaki ma kakao n taetae n burabeti ake ti karekei inanon maiura, n raonaki ao ai moarara riki ma ake ti karekei inanon ririki aika tibwa nako. Ti kona n namakinna ke n iangoia bwa kakao aikai bwa manga te bwai riki ae tina kainanoia n karinna ibuakon bwaai ake ti na karaoi, ibukina bwa ti kaoaki ke n butiaki bwa tina karaoia. Ma tao iai riki arona ae raka?

Iangoan raoi aio ao taian kakao ake ti atia ni karekei, I uringa te bwai ae I reiaknna ao n rineia ngkoa. I kekeiaki n karaoi bwaai aikai, ake a kakawaki nakoiu ibukina bwa I Tangiria; I tangira ara Tia Kamaiu. Aio bukina ae koaua ao te kabane n korakora irou n karaoan bwaai ae I karaoi, ao n reitaki ma aio bon au tangira ibukimi, tariu ma mwaneu.

Ngkai tarimi ao mwanemi ngai, au kaantaninga bwa kam na tarai au taeka bwa te kakao mai nanou bwa kam na ukora kamatatakimi n te tibwanga n reiti bwaai ni kabane ake ti karaoi ma ara tangira ibukin te Tia Kamaiu.

Karaoan aio e na buokiira n mataata n koauan “bukin” bwaai ni kabane ake ti kakaraoi bwa ana reirei te Tia Kamaiu. Aio e na buokiira n kakorakorai reitakira rinanon ara berita aika tabu ma te Atua, n mataata n Ana koaua aika mai ieta man akea tokiia—Ana koaua aika akea tokiia man koaua raoi ake aki kona n bibitaki. Koaua aika akea tokiia n aron “Ba E tangiriia aomata te Atua n te aro are E anga Natina ae te riki-temanna iai, ba e aonga n aki mate ane onimakinna, ma e na reke i rouna te maiu are aki toki.”

E bon nang kamimi n tabetai bwa ti a tia n kakaraoi bwaai n te tai teuana ao a riki bwa kateira, ti kariaia bwa katei ke waaki aikai ana kaira aron ara mwakuri ni karikirakea te onimaki iroun Iesu Kristo. E taraa n ae ti karaoi bwaai aikai bukina bwa ti a tia n kakaraoi inanon ririki aika mwaiti, n aki iangoa mwiina nakon reitakira rinanon berita aika tabu ma ara Tia Kamaiu.

N ara aonaaba aio, ti aki toki n katuruturui ara iango iaon bwaai ake ti karaoi ao iaon kakoroan nanon tabera ma ara kouru. N ara otabwanin n tamnei aio, iai iroura te tibwanga n karaoi ae iaon ake ti kakaraoi ke ake ara kouru ake ti uaiakinii man ataakin bukin karaoakina iroura. Ngkana ti kona n mataata man reitira nakon aan bukin ara mwakuri ake a irekereke ma ara tangira ibukin te Tia Kamaiu ao Tamara are i Karawa, man anaakin ara raka n kabonganai tibwanga aikane ti na mataata bwa karaoakin mwakuri aika kororaoi, n aron karaoan waaki ni kakukurei n te Ekaretia ke katei ao karaoakiia raoi bon te bwai ae tamaroa, ngkana ti reitiia ma “bukina,” ao ti na kakabwaiaaki n oota n bukina. E na aki ti riki bwa karaoakin bwaai aika tamaroa ke karaoan n angana ae eti; e na eti aron karaoakina iroura.

Te katooto, ngkana kam katea ami kouru n wareki koroboki aika tabu, anga te tataro ae nako raoi mai nanom, katauraoa te waaki n kakukurei ibukin am utu ke uoote, ami kouru ti iangoan kakoroan nanon waaki aikane? Ke mwakuri aikai bon waaki, ma bwaai n ibuobuoki aika ko kona n kabonganai, n kakoroa nanon am kouru n koaua? Te kaantaninga ti karaoan te waaki n kakukurei bwa ti tuai manga kakaraoia inanon ririki aika mwaiti ao n kaeta te bwaoki n kaotia bwa e tia iroura? Ke, manga kaokia riki, waaki aika tina kabonganai n reiakina, namakina, ao n reitira ma te Tia Kamaiu?

Taiaoka tai kaminoi ngkami n te bwai ae i kataia n taekina iaon waaki ni kakukurei ma katei ke kaean kouru ao mwakuri korakorami n kakoroi nanoia; akea buren anne. Ma e ngae n anne, I kaoi ngkami bwa kam na kauki nanomi ma ami iango nakon te tibwanga ao te kakabwaia n mataata bwa bukin tera ti karaoi bwaai aikai ao arora n maiuakina ara aro.

Te katooto ae tamaroa n katei aika kabotoaki iaon-Kristo bon te kakawenako are e anganiira Beretitenti Dallin H. Oaks n aran te Moan Beretitentii. E taku Beretitenti Oaks,“Ngkai tia rinnakoa te ririki ae boou, tia katauraoira n rungaa te Itita n ana anga karea n kamaiu Iesu Kristo. … N aki tabe ma aia koaua ke ake a karaoia aomta, ti riai n rungaa Mangautin ara Tia Kamaiu ae maiu man kamatebwaian Ana reirei ao n ibuobuoki n katei katei n Itita inanon bwaninin ara bootaki, moarara inanon oin nako ara utu. Ngkai kam kona n noria, tiaki ti te kakao ibukin katean katei. Ma, ti kabonganai katei aikai bwa waaki n reiakina ae bati ibukin te Tia Kamaiu ao n uringa Mangautina.

Ngkana e bati ae ti kona n reitia nakon oin bukin ara tangira ibukin te Tia Kamaiu, e na bati riki are ti na kona n karekea ae ti kainanoia ke n ukoria. E taku Beretitenti Nelso, “Tao tera am titiraki ke am kangaanga, te kaeka e aki toki ni kuneaki ni maiun ao n ana reirei Iesu Kristo.” Ao e kanakoa ana kakao: “Reiakina riki aron Ana Mwakuri ni Kamaiu, Ana tangira, Ana nanoanga, ao Ana euangkerio ni kamarurung ae kaokaki ao n rikirake. Rairaki Nakoina! Iriiria!”

Iangoi i nanomi ao n ami iango: Ko kakoaua bwa ana kakao Beretitenti Nelson e nanonaki n buokara ni katauraoa te riti ae tina kaekaetia are ti na karekei iai rabakau aika bati ao ni katiaan tabera bwa ti aonga ni kaeta te kakao aio man bwaai ake ti na karaoi? Ke e kaoira bwa ti na iangoi nanon koaua ma tuua aika akea tokiia bwa tibwangara n mataata n “bukin” ma reitakira ma ana tangira n te tangira ae tabu te Tia Kamaiu ibukira ma maiura n riki bwa Ana reirei?

Kariaia bwa N na katamneia te tua ae I kataia n kabwarabwara aio. Teuana te kawai, ae kanga e korakora, bwa ti na kona ni wareki ni kabane marooro man te maungatabu ni kabuta ni kabane n tii tetaina; imwina, ngkana I a tia, Nna kaeta te kakao aio iaon au riti ibukin bwaai ake nna karaoi n akea te bwai ae nna karaoia ma bwaai ake I wareki. I ataia bwa aio te waaki ae kangaanga, ma e bon kona n koaua. Tao, e mwaiti ae a mena imarenan aio ma are kaantaningaaki.

Te kakao bon kamatebwaiakin ma iangoan inanoia rongorongo man te maungatabu ni kabuta ao n kabonganai n taraia man mataata bwa tera ti kona n katamaroa riki.

Ngkana ti butimwaea te kakao, n mataata ni “bukina”, ti na kona n karekei tibwanga aika bati n kaniiaki nakon te Tia Kamaiu. Ti na moanna ni mataata bwa bukin ae I tangira te Tia Kamaiu, I tangiria ni reiakina ae mwaiti Iaona man kamatebwaian aia taeka burabeti aika maiu. Ao bukin ae I tangiriia naba aomata, I tangiria n tibwa aia reirei burabeti, taan mamata, ao karekei kaotioti ma tabeman, ni moanaki ma naake I tangiriia.

Inanon katoto aika uoua, kam karaoa te bwai ae kororaoi. N teuana, te koua e tara n ae kabonganaan bwaai ake Tamara are i Karawa ma Te Tia Kamaiu a tia n anganiira, ake taian rongorongo aika tibwauaaki n te maungatabu ni kabuta. Te kauoua n tamnei e butimwaea te kakabwaia ae tamaroa man karekean te taratara nakon oin bukina, katauraoa te kawai nakon te mataata n koaua aika akea tokiia ma kakabwaia ake a beritanaki nakoia ake a kariki ana reirei ma maiun ara Tia Kamaiu, Iesu Kristo, bwa boton maiuia.

Tariu ma mwaneu aika tangiraki, au kaantaninga bwa kam namakina man nora kakawakin reitakin ara mwakuri ma ara tangira ibukin te Tia Kamaiu. N te aonaaba ae kakawaki te mwane iai, e mwaiti bwanaa aika ana kataia n kairoroiko ao, ngkana a kona, ni kairiko n kakoaua bwa tabeua oi ni koaua n ana euangkerio Iesu Kristo ae tia n kaokaki aki kakawaki. Bwanaa aikai a moa man te koaua ae kakawaki iaon kainanoan kaokan bwaai ni boong aika kaitira, n raonaki ma kakawakin ae iai abanuean te Atua iaon te aba, n rabwatanaki n ana Ekaretia Iesu Kristo ni Boong aika Kaitira ae tia ni kaokaki.

Ko na kona n ongo bwanaa aika taetaekinna bwa ti te reitaki ae onoti ke te oota iroun te Tia Kamaiu e tau ao te aro ke te Ekaretia ae tia ni kaoki e aki kakawaki ke n akea bonganana. I kaoi ngkami bwa kam nna karaurau n iangoi ke n kamatoa nakon kairoroakim n iango aika ana kairiko nako ao n baiti n uringngi bwaai ake te Tia Kamaiu e a tia n taetaekinna man reireinira man taai ake n rimoa—moa man ana tangira Tamam are i Karawa ao Iesu Kristo ao n reitii ara tangira Ibukiia nakon aan bukin Iriraia.

Te Atua te Tama ao Natina, Iesu Kristo, a taetae nakon Iotebwa Timiti bwa e na kaoka ana Ekaretia Iesu Kristo ao n moana kakoroan boong n taina ae bwanin, Abanueana iaon te aba. Ngaia are, Ana Ekaretia Iesu Kristo ibukiia Aika Itiaki ni Boong aika Kaitira bon te anga ae tia n kateaki iroun Tamara are i Karawa ni karekei berita aika tabu are ana kona n kaokiira nakon mwengara. Ngaia are, ti kainanoia ae bati riki nakon ti te reitaki ae onoti ma Tamara are i Karawa ao Natina; ti kainanoi otenati n te nakoanibonga aika kakawaki ake ti na karaoi berita aika tabu rinanona ma Ngaiia. Aio e karekea te reitaki n te berita ae tabu ma Ngaiia ao n anganiira te konabwai n karekea Aia tangira n te berita ae tabu, n karekea nakoia te konabwai n karekea te abanuea are te kabanea n rietata are katauraoaki ibukiia ni kabane naake a koaua man kakaonimaki nakon aia berita aika tabu.

Ma korakoran tamneiu ni kabanea, I kakoaua nakon koauan ma rikin ara Tia Kamaiu, Iesu Kristo. E tangiri ngkami. E atai bwaai ake a riki inanon maiumi. E tangaina baina, n kanakoa ana kakao “Bane mai nakoiu, … ao N na motiki rawami.”

I tangira te Tia Kamaiu., ao au tangira Ibukina bon “bukin bwaai irou.” N aran Iesu Kristo, amen.