Ia Oqo Au Sa Qai Rai Rawa

Ena ika ciwa ni wase ni Joni e volai kina na veika eratou a sotava o Jisu kei iratou na Nona tisaipeli ni ratou lako volekata e dua sa dau kerekere, ka a sucu mataboko.

A solia o Jisu na imatai ni balebale ni veisolisoli oqo, ka tukuna vei iratou na Nona tisaipeli ni veika kece sa yaco oqo ”me vakatakilai kina na cakacaka ni Kalou.”

E dua tale na dina e laurai eke sai koya na iyaya a vakayagataka o Dauniveibuli kei lomalagi kei vuravura kei na veika kece e tu vei ira me caka kina na cakamana oqo: a kasivita e dua na iloku soso! Na veitiki ni gacagaca tawakilai oqo e vakaraitaka ni Kalou e rawa ni vakalougatataki keda ena iwalewale cava ga e digitaka o Koya.

Ia vakacava kevaka e dau yaco mai na isau ni noda masu ena sala e rawarawa tu ga se veilecayaki? Eda sa lomasoli li meda gugumatua sara, ka tovolea tikoga meda bulataka na kosipeli i Karisito se cava sara na levu ni kasivi kei na soso e caka kina?

Na imatai ni noqu soli-rai, na gauna ni soli bula ena ivakadinadina ni dina a sega ni lako mai ena kena lumuti na soso se ena tobu kei Sailoama. Sega, na iyaya ni cakacaka ni dina ka kauta mai na noqu veivakabulai mai vua na Turaga a lako mai ena veidraunipepa ena ivola, io, na iVola i Momani: E Dua Tale na iVakadinadina kei Jisu Karisito!

Se cava ga, na mana ni iVola i Momani ena noqu bula e sega ni caka mana lailai me vaka na kena a vakayagataki na kasivi kei na soso ka boroi kina na matai mataboko. Sa ikoya, vei au, sa ititoko ni veitaqomaki ki yaloqu, e dua na rarama cecere ka veilauti ni ivakatakila, e dua na veivakararamataki ni salatu a dodonu meu lakova ni sa yaco mai na kabu ni butobuto. Era yaco dina, ka ra na yaco dina tale.