Sa Kalougata ko Ira na Dautataro

Sa Lako Tani mai na iBulubulu ko Jisu, mai vei Dan Burr

Meda vakasamataka tale yani na tolu na vanua oqo era dauveisaututaki kina e dua na Yalododonu Edaidai.

Na imatai sa ikoya ena yaloda.

Na kosipeli i Jisu Karisito e bucina ka semata na veitovo vakalou oqo, oka kina na dauveisaututaki, ki na yaloda, ka vakalougatataki keda ena bula oqo kei na kena e tarava.

iKarua, na taraicake ni veisaututaki ena noda itikotiko— ena noda vakayagataka na ivakarau ni Turaga me vakayarayarataka na noda veimaliwai vakai keda: ena veivakauqeti, vosota-vakadede, yalomalua, yalovinaka, yalomalumalumu, kei na loloma e sega ni veivakaisini.

Nida dautataro, eda na vosoti ira na tamata ka tarai ira cake vakaidina na tamata ka sega ni basuraki ira sobu.

iKatolu, na veisaututaki ena noda itikotiko raraba.

Meda qai digitaka ena noda ivavakoso kei na noda itikotiko, meda dau veiraici vaka luve ni Kalou.

Me kena isoqoni, au veisureti vei kemuni. O na vakasamataka beka e dua na ituvatuva ni tolu‑na-ikalawa, macawa-dua ni dauveisaututaki?

1. E dua na iwasewase ni itikotiko galala-mai na‑veileti: Ni tekivu na veileti, tu vakadua ka tekivu tale ena vei vosa kei na ivalavala e vinaka.

2. Tara ikawakawa vaka‑monalivaliva: Ni bera nio vakauta, sauma lesu, se vakamacala ena initaneti, taroga mada, “Ena tara beka oqo e dua na ikawakawa? Kevaka e sega, muduka. Kua ni vakauta. Me kena isosomi, wasea na vinaka. Vakarogoya na sautu ena vanua ni veicati.

3. Vakavinakataka ka vakaduavatataka: E rawa nira vakasaqara yani na lewe ni matavuvale yadua e dua na veimaliwai mavoa tu me rawa ni kere veivosoti, veiqaravi, vakavinakataka, ka vakaduavatataka.

Na dauveisaututaki e sa dua na ituvaki vaKarisito.

Eda vakayacora na noda itavi vakalou vaka luve ni dua na Tama Vakalomalagi dauloloma nida segata meda yaco meda dauveisaututaki.