iVakaro Me Baleta Na Matavuvale—Tukutuku mai vua Na Kalou

Au taleitaka na ivakaro ni matavuvale. Na ivakaro e ivurevure vakalou, ka dodonu meda rokova ni sa itukutuku mai vua na Kalou.

Ena gauna sa vakaraitaki kina, e vuqa na tamata e vuravura era sega ni duavata kei na ivakaro. Sega ena gauna oya. Sega ena gauna oqo. Era tiko eso era sega ni duavata kei na ivakaro me baleta na matavuvale, na vakawati, kei na yago eda sucu kina. Eso era vakatututaka me vakasuka na lotu, me dikevi tale, se biu tani sara ga na ivakaro.

Na ivakaro oqo baleta na matavuvale, me vaka a tukuna o Peresitedi Hinckley, sa vunau, kemuni na taciqu kei na ganequ. Na ivakavuvuli era sega ni tu tani ia era sa salavata vakavinaka sara ga kei na sala ni Turaga kei na Nona salatu ni veiyalayalati. Na ivakavuvuli ena ivakaro era vakatakilai mai vua na Turaga o Jisu Karisito vei ira na Nona iApositolo ena gauna oya, ka vakina edaidai.

Vei ira e tiko na nodra kauwai, mo kila nio iko na luvedrau na itubutubu vakalomalagi, sa tiki ni matavuvale nei Tamamu mai Lomalagi. E sega ni dua e kilai iko se kauwaitaki iko vakatitobu cake me vakataki Koya. Gole vei Koya; sovaraka na lomamu vei Koya, nuitaki Koya kei na Nona yalayala.

Eda kunea ena ivakaro ni matavuvale:

”Era sa vakacolati kina na tama kei na tina me ra veivukei vakatautauvata vakaveitokani.”

Na tautauvata e dua na vosa e bibi.

Nida bula ena matada sa vakatabakidua ki na lagilagi ni Kalou, eda na veirokorokovi ka veitokoni vakai keda.

Na Tamada mai Lomalagi e vakarautaka na ivakaro kina matavuvale me vukea noda tuberi ivale vei Koya, me vukei keda meda vuli ka vakasinaiti ena loloma, igu, inaki, kei na kilaka tawamudu.