Soqoni ena Yakavi ni Vakarauwai
E Sega ni Dua ena Dabe Taudua
Veitikina lavetaki
Sauca Aferika
Esitonia
Ena vosa vakatautauvata ni kai Samaria dauloloma, sa sureti keda o Jisu meda lako vata mai vakakina kivei Koya ki na Nona bure—na Nona Lotu.
Na ibalebale ni “sega na tiki ni bure” e oka kina “e sega ni dua ena dabe taudua.” Ni o lako mai ki lotu, ka raica ni dua e dabe duadua, e rawa beka mo vakabula vua ka dabe vata kei koya?
“E sega ni dua ena dabe taudua” e kena ibalebale tale ga ni sega ni dua ena dabe rarawa se vakayalo taudua. Dua na gauna au a lako vata kei na dua na tama e kavoro tiko na utona me sikovi luvena tagane. Ena veiyabaki sa oti, a marautaka na luvena ni sa na yaco me dua na dikoni vou. Na kena soqo, a volia vua na nona matavuvale e dua na ivava vou.
Ia e valenilotu, era dredrevaki koya kei na nona ivava na dikoni. E a ka vou na nona ivava, ia e sega ni rairai vinaka. Ena madua kei na rarawa, e yalataka na dikoni gone oqo ni na sega tale ni lai lotu. E se kavoro tiko ga na utoqu ena vukuna kei na nona matavuvle.
Ena Nona Lotu vakalesui mai, eda na uasivi cake ni sega ni dua e dabe taudua tiko. Meda kakua ni veiciqomi ka veivosoti wale tiko ga. Meda sa veikidavaki, veikauwaitaki, veiqaravi ka loloma ena yalodina.
Edaidai, e levu era galili ka tu duadua.
Ena tu e vuqa na vuna eda na vakila beka nida sega ni ciqomi ena lotu—ka, eda rawa ni kaya, nida dabe taudua.
Mosaia 18:21 e sureti keda me semati na lomada ena veilomani. Au sureti keda me lailai sobu noda lomaleqa, lailai sobu noda vakalelewa, kua ni namaka e levu na ka mai vei ira na tamata—kei na gauna e gadrevi kina, me lailai sobu noda vakasaurarataki keda.
Na vakaitaukeni ena veiyalayalati e vakatitobutaka na noda isema vakai keda vakakina vua na Turaga ena Nona bure. Na Turaga ena vakalougatataki keda kece ena gauna e sega ni dabe taudua tiko kina edua.