Cakava na Nomu iTavi ena Yalomu Taucoko

Kena rawarawa ga, na bula vakatisaipeli e ka ni bula vakaivakarau.

Na noda vakabauta, o ya na noda yalodina vua na iVakabula, ena kaukauwa cake ni sa vakatovolei ena veisaqasaqa eda sotava ena bula oqo. Ena gugumatua tikoga ni da vakabulabulataka tiko, eda sa bulataka tikoga vakaidina, ka sega ni guce kina.

Ena yasana kadua, kevaka eda sega ni vakayagataka na vakabauta kei na kena mana veivakadeitaki meda cakacakataka kina, sa yaco me sega na yalodei ena veika eda dau vakatabuya tu—ka sega soti ni da yalonuidei ena veika eda kila taumada ni sa dina.

Na yameyame ni noda ivakadinadina e nanoa ena rawa ni vakatakatai keda toka ga ena dua na gauna.

Na noda isolisoli ena vakaceretaki ka vakalevutaki ga nida sa vakayagataka.

E dina beka ni dau sega ni tatalivaliva na noda isolisoli vakayalo, ia e sega ni kena ibalebale oqori ni ra sega ni bibi.

Koya gona meda sa qai cakava na noda veiitavi lalai.

Mo nanuma tiko, ni sai Jisu Karisito sa cakava oti na itavi sa kaukauwa duadua ena Nona vakadruka na mate kei na ivalavala ca.

Sa noda itavi meda muria na Karisito.

Ena vanua e malumalumu kina na vakabauta, tekivu ena nuitaki Karisito Jisu kei na Nona kaukauwa me savui me savavuka.

Eda kila ni noda sasaga walega ena sega ni rawa ni yaco meda sa selesitieli. Ia e rawa nira cakava meda yalodina ka dei tiko vei Jisu Karisito, ia o Koya e rawa ni cakava meda selesitieli.

Eda vakavinavinaka ena noda cavuikalawa e nanoa, ia eda sega ni yaco ga e kea. Eda kila ni se balavu na ilakolako, ka da sega ni laiva meda yalolailai kina.

Oqori sa iusutu ni noda bula - nida tisaipeli i Jisu Karisito.