iVakamacala Taumada

Kemuni na taciqu kei na ganequ, eda soqoni ka lolositaka na mate ni noda Peresitedi lomani o Russell M. Nelson. Au vosa vei kemuni vaka itutu ni Peresitedi ni Kuaromu ni Le Tinikarua, na itutu au sa tokoni taumada mai kina ena noda vei tabanalevu, iteki, kei na koniferedi raraba ena loma ni vitu veimama na yabaki sa sivi.

Eda na tomana tikoga na koniferedi raraba vakayabaki oqo, me vaka na kena ituvatuva vei ira na vosa, kei na sereivakatagi sa lesia tu o Peresitedi Nelson ni oti e vica na vula ni vakavakarau.

E kila vinaka o Peresitedi Nelson na bibi ni koniferedi raraba me vakarautaka na veidusimaki vei ira na Yalododonu ena vula sa tu mai liu. Eda dokai koya ena noda muria na ituvatuva ni koniferedi me vaka sa tuvana oti tu o koya.

Na noqu vosa lekaleka ni veivakacaucautaki—e ganita na koniferedi oqo kei na veika kece eda sa vakaraitaka oti me baleti koya—oya: Niu sa lomani Russell M. Nelson kau sa vulica vakalevu cake na kosipeli mai na balavu ni noqu veitokani kei na veimaliwai voleka kei koya ni vakatauvatani mai na dua tale na iliuliu au kilai ira vakavinaka. Sai koya na noda ivakaraitaki ni italai ka daumuria na Turaga o Jisu Karisito.