Sabado sa Gabii nga Sesyon
Pagsimba
Mga Kinutlo
Unsay kahulogan sa pagsimba sa Dios alang ninyo ug nako? …
Una, ang mga Buhat Nga Naglangkob sa Atong Pagsimba
Usa sa labing komon ug importante nga pamaagi sa pagsimba mao ang pagpundok diha sa gipahinungod nga luna aron mopahigayon og mga buhat sa debosyon. …
Ang labing importante nga aspeto sa pagsimba sa adlaw sa Ginoo mao ang pagtutok sa mahinungdanon nga maulaong sakripisyo ni Jesukristo. … Alang sa mga mahinulsolon, ang pag-ambit sa sakramento mao ang labing mahinungdanon sa pagsimba sa Igpapahulay.
… Isip usa ka komunidad sa mga Santos, kita molig-on sa usag usa diha sa pagsimba ug pagtuo.
Bisan pa man, dili nato kalimtan ang inadlaw nga mga buhat sa pagsimba nga atong gihimo sa indibidwal nga paagi ug diha sa panimalay. …
Ang mga Kinaiya ug mga Pagbati nga Makita diha sa Pagsimba
Ang tinuod nga pagsimba nagpasabot sa paghigugma sa Dios ug pagtugyan sa atong kabubut-on ngadto Kaniya—ang labing bililhong gasa nga atong mahalad. …
Kini mao ang sundanan sa kaugalingong pagsimba ni Jesus sa Amahan. …
Ang pagsimba mao ang pagpaningkamot sa pagsunod niining hingpit nga ehemplo. …
Ikatulo, ang Kaeksklusibo sa Atong Pagsimba
Ang bisan unsay unahon kaysa pagsimba sa Amahan ug sa Anak mamahimong usa ka dios-dios. … Ang tumong sa atong pagsimba sa eksklusibong paagi mao “ang bugtong matuod nga Dios ug [si] Jesukristo nga [Iyang] gipadala.”
Kataposan, ang Panginahanglan sa Pagsunod sa Amahan ug sa Anak
Sa kataposan, kon sa unsang paagi kita nagpakabuhi mao ang labing maayo, labing tinuod nga matang sa pagsimba. Ang pagpakita sa atong debosyon nagpasabot sa pagsunod sa Amahan ug sa Anak—pag-ugmad sa Ilang mga hiyas ug kinaiya ngari sa atong kaugalingon. …
… Samtang maglakaw kita sa dalan sa pakigsaad, ang makabalaan nga “gahom sa pagkadiosnon gipakita” kanato.