Sabado sa Hapon nga Sesyon
“Kon Maghigugmaay Kamo, Mahibalo ang Tanan nga Kamo Akong mga Tinun-an”
Mga Kinutlo
“Paghigugmaay kamo,” miingon si Jesus. “Mahibalo ang tanan nga kamo Akong mga tinun-an.” Sa kasagaran, ang unang pagpamatuod sa usa ka tawo bahin ni Jesukristo moabot kon siya mobati og gugma gikan sa mga tinun-an ni Jesukristo. …
Si bisan kinsa nga nagtinguha og mas lig-ong pagtuo diha ni Kristo o mas duol nga koneksiyon sa Langitnong Amahan kinahanglang mobati nga anaa sa panimalay sa Ang Simbahan ni Jesukristo sa mga Santos sa Ulahing mga Adlaw. …
Mao nga, samtang kita naningkamot sa pagtuman sa taas nga mga sumbanan sa Ginoo, magmapailobon usab kita sa usag usa. …
… Ug aron anaa sa usa ka kasingkasing, kinahanglan nga kita adunay putli nga mga kasingkasing, ug kana nagkinahanglan og dakong kausaban sa kasingkasing.
Apan kana wala magpasabot sa pag-usab sa akong kasingkasing aron motakdo sa inyong kasingkasing. Ni nagpasabot kini sa pag-usab sa inyong kasingkasing aron motakdo sa akong kasingkasing. Nagpasabot kini nga kitang tanan mousab sa atong mga kasingkasing aron motakdo sa Manluluwas. …
Ug kon kamo mobati gani nga dili kamo takos, palihog hibaloi nga kamo wala mag-inusara. …
… Kita nahiusa, dili tungod kon diin kita gikan apan kon asa kita naningkamot nga moadto, dili tungod kon kinsa kita apan kon kinsa ang atong gitinguha nga mamahimo.
Mao kana ang tanan mahitungod sa tinuod nga Simbahan ni Kristo. …
Ug unsay mahitabo kon kamo lahi gikan sa mga tawo sa inyong palibot? Kana dili makahimo ninyo nga dili takos—makahimo kini ninyo nga gikinahanglan nga bahin sa lawas ni Kristo. …
Wala kana magpasabot nga ang inyong trabaho mao ang pag-usab sa tanan nga mahimong sama ninyo. Apan nagpasabot kana nga kamo adunay butang nga importante nga ikatampo—ug kamo adunay butang nga importante nga makat-onan!