Dominggo sa Buntag nga Sesyon
Balaanon nga mga Tabang alang sa Mortalidad
Mga Kinutlo
Labing seguro, ang labing lig-on nga mortal nga tabang sa Dios mao ang Iyang paghatag og usa ka Manluluwas, si Jesukristo, kinsa mag-antos aron mobayad sa kantidad sa sala ug mohatag og kapasayloan alang sa gihinulsolang mga sala. …
Ang plano sa atong Langitnong Amahan nagsangkap og ubang mga tabang nga mogiya kanato latas sa atong mga panaw sa pagka-mortal. Mamulong ako sa upat niini. …
Una, mamulong ko bahin sa Kahayag o Espiritu ni Kristo. Sa iyang talagsaong pagtulun-an diha sa basahon ni Moroni, si Moroni mikutlo sa pagtulun-an sa iyang amahan nga “ang Espiritu ni Kristo gihatag ngadto sa matag tawo, nga siya masayod sa maayo gikan sa daotan” (Moroni 7:16). …
Ang ikaduha sa talagsaong mga tabang nga gihatag sa Ginoo aron tabangan kitang makapili sa unsay husto mao ang hut-ong sa balaanong mga direksiyon diha sa mga kasulatan isip kabahin sa plano sa kaluwasan (plano sa kalipay). Kini nga mga direksiyon mao ang mga sugo, mga ordinansa, ug mga pakigsaad.
Ang mga sugo motino sa dalan nga gihatag sa Langitnong Amahan alang kanato aron molambo ngadto sa kinabuhing dayon. …
Ang mga ordinansa ug mga pakigsaad mga kabahin sa balaod nga nagmarka sa dalan padulong sa kinabuhing dayon. …
Ang ubang hinatag sa Dios nga mga tabang sa paghimo og eksaktong mga pagpili mao ang mga pagpahayag sa Espiritu Santo. …
Usa sa labing mahinungdanong mga tabang sa Dios sa Iyang matinud-anong mga anak mao ang gasa sa Espiritu Santo. …
Aduna sa daghang gamhanan nga tabang nga mogiya kanato sa atong mortal nga mga panaw, makasagmuyo nga daghan ang padayong dili andam sa ilang gitakda nga pakigkita sa atong Manluluwas ug Manunubos, si Jesukristo. …
Ang pagpaubos ug pagsalig sa Ginoo mao ang mga sulbad sa ingon niana nga mga pagsimang.