Sabado sa Buntag nga Sesyon
Atubangan Gayod sa Atong mga Mata
Mga Kinutlo
Kita mapasalamaton nga ania sa yuta samtang nagkadako ang gidaghanon ug impluwensiya sa Simbahan, apan mas importante diha sa mga kasingkasing ug mga kinabuhi sa mga miyembro niini. …
Karon ang Simbahan adunay 367 ka templo nga gidesinyo pa, gitukod pa o nag-operate na. … Mga kaigsoonan, kita nagpadali sa atong pagkabalaan samtang kita magpakabuhi nga takos sa templo, samtang magsimba kita sa balay sa Ginoo, ug samtang kita naghimo og mga pakigsaad uban sa Dios alang sa atong kaugalingon ug alang sa atong mga katigulangan nga anaa sa laing habig sa tabil. …
Atong nakita nga ang Ginoo nagpadali sa Iyang buhat sa mga misyon. … Labaw pa sa gidaghanon, ang katuyoan sa pagpundok mao ang pagdala og mga kalag ngadto ni Jesukristo ug sa Iyang ebanghelyo. …
Atong nakita ang Ginoo nga nagpadali sa mga oportunidad sa edukasyon alang sa atong mga miyembro ug gani sa mga dili miyembro sa tibuok kalibotan. …
Sa kasamtangan sobra sa 800,000 ka estudyante sa tibuok kalibotan ang na-enroll sa seminary ug institute, ang labing taas nga enrollment sa kasaysayan sa Simbahan. …
Lain nga dapit nga nagpakita sa naglambo nga impluwensiya sa edukasyon diha sa Simbahan mao ang BYU–Pathway Worldwide. … Ang pagkompleto sa mga kurso nagpasabot og akses ngadto sa panarbaho, ug ang akses sa panarbaho nagpasabot og maayong kinabuhi sa mga pamilya ug mas daghang mga oportunidad sa pagserbisyo sa Ginoo. …
Akong nailhan nga sa taliwala sa maayong balita sa ebanghelyo, adunay daghan nga nakigbisog, kinsa adunay mga hagit sa pagtuo, mga pagduhaduha, ug mga pangutana nga ingon og walay mga tubag. Mga kaigsoonan, si Jesukristo mao ang tubag. Pagsugod diha Kaniya. Pangitaa ang Iyang impluwensiya sa inyong kinabuhi. Paminaw Kaniya. …
Hibaloi nga Siya nakasabot.