Sabado sa Gabii nga Sesyon
Ug Naghisgot Kita ni Kristo
Mga Kinutlo
Ang buhi nga mga propeta sa atong panahon—kinsa nagdawat og pagpadayag gikan sa Dios aron sa pagtudlo ug pagpangulo kanato—nagkakusog nga nagdapit kanato nga moduol kang Kristo. … Kita makakutlo og daghang ehemplo sa mga pagpahiangay ug mga pagpalambo nga gipahibalo sa Unang Kapangulohan nga gidesinyo aron nga kita motutok kang Jesukristo. …
Atong mas tan-awon og klaro ang epekto sa pipila niini. Una, ang simbolo sa Simbahan.
… Kini nga simbolo nagpakita sa kamatuoran nga si Kristo mao ang anaa sa sentro sa Iyang Simbahan ug kinahanglan nga mao ang anaa sa sentro sa atong mga kinabuhi. …
Kini nga simbolo mao ang usa ka biswal nga representasyon sa gugma sa Manluluwas nga si Jesukristo ug usa ka kanunay nga pahinumdom sa buhi nga Kristo. …
Karon atong hinuklogan ang kaimportante sa Pasko sa Pagkabanhaw. … Sa laktod, kita giawhag nga mouswag ngadto sa usa ka mas halangdon ug mas balaan nga pagsaulog sa Pasko sa Pagkabanhaw. …
Ang Pasko sa Pagkabanhaw nagtugot kanamo sa pagpasidungog sa maulaong sakripisyo ni Jesukristo ug sa literal ug malipayon nga Pagkabanhaw Niya. …
… Samtang adunay ingon og nagkadako nga gituohan taliwala sa nagkadaiyang Kristiyano nga mga teyologo nga hunahunaon ang Pagkabanhaw sa pasumbingay ug simbolikanhon nga mga termino, kita momatuod sa atong doktrina nga “ang Pagkabanhaw nagpasabot nga ang tanan kinsa nabuhi sukad mabanhaw, ug ang Pagkabanhaw literal.” … Si Jesukristo mibugto sa mga higot sa kamatayon alang sa matag buhi nga kalag. …
Sa pagtapos, ako mopamatuod nga tanan kinsa modawat sa mga imbitasyon gikan sa atong buhi nga propeta ug sa iyang mga magtatambag nga mas tuyo nga mohinumdom sa balaan nga mga panghitabo nga girepresentar sa Pasko sa Pagkabanhaw makakaplag nga ang ilang relasyon ni Jesukristo mas magkalig-on gayod.