Dominggo sa Buntag nga Sesyon
Ang Imong Paghinulsol Dili Makapabug-at ni Jesukristo; Kini Makapabati Niya og Kamaya
Mga Kinutlo
Karon gusto ko mamulong kanato nga usahay mobati, “Ang paghinulsol ug pagpasaylo morag epektibo alang sa tanan gawas kanako.” …
Akong nakat-onan nga kon mohulat ka hangtod sakto na ang imong pagkalimpyo o saktong hingpit na nga moduol sa Manluluwas, wala nimo masabtan ang nag-unang buot ipasabot! …
Ako mopamatuod nga samtang ang Dios naghunahuna mahitungod sa atong mga sayop, Siya labaw nga nagpakabana sa unsay mahitabo human kita nakahimo og sayop. Mobalik-balik ba kita ngadto Kaniya? …
Ang pagdapit sa paghinulsol usa ka pagpahayag sa gugma sa Dios.
Ang pagsulti og oo niana nga pagdapit usa ka pagpahayag sa atong gugma. …
Dili kita makapabilin sa dalan sa pakigsaad pinaagi sa dili paghimo og sayop. Makapabilin kita sa dalan pinaagi sa paghinulsol sa matag adlaw.
Ug kon kita maghinulsol, ang Dios mopasaylo nga dili mopakaulaw kanato, dili motandi kanato ni bisan kinsa, o mangasaba kanato tungod kay mao ra kini ang butang nga atong gihinulsolan sa miagi nga semana.
Siya mahinamon sa matag higayon nga Siya nakakita kanato nga nagluhod sa pag-ampo. Gusto Siya nga mopasaylo kanato tungod kay kita Iyang gihigugma!
Wala ba kamo mobati nga kana tinuod?
Nan nganong lisod man kaayo para kanato nga motuo?! Si Satanas, ang bantogang magsusumbong ug manglilimbong, naggamit og kaulaw aron kita mopalayo sa Dios. …
…Ang imong bili kanunay nga “mahinungdanon sa panan-aw sa Dios,” bisag unsa pa ang nahitabo tungod sa mga sangpotanan sa imong mga desisyon. …
Nagbarog ko dinhi aron sa pagsaksi nga si Jesukristo naghatag og kahayag niadtong kinsa anaa sa kangitngit. … Padayon sa unahan ug pasigaa ang Kahayag—atong Hingpit nga Kahayag sa Paglaom.