Dominggo sa Hapon nga Sesyon
Pagsalig diha sa Presensya sa Dios
Mga Kinutlo
Kon kita mohimo ug motuman sa mga pakigsaad ngadto sa Dios, kita makabaton og pagsalig nga dinasig sa Espiritu. Ang Ginoo misulti ni Propeta Joseph Smith nga ang atong pagsalig “mosamot pagkalig-on sa atubangan sa Dios.” …
Kon mosulti ko kabahin sa kamasaligon diha sa atubangan sa Dios, ako nagpasabot ngadto sa pagbaton og pagsalig diha sa pagduol sa Dios karon mismo! …
Karon, unsaon nato sa pag-angkon ang maong pagsalig? …
… Diha sa kaugalingong mga pulong sa Ginoo, ang gugma nga putli ug hiyas moabli sa dalan sa pagbaton og pagsalig sa atubangan sa Dios! …
Una, gugmang putli. …
Ang tinuod nga gugma nga putli ngadto sa tanang tawo maoy simbolo sa mga tigpasiugda og kalinaw! Mahinungdanon gayod nga kita magbaton og gugmang putli sa atong panaghisgotanay, sa publiko ug sa pribado. …
Mangamuyo kita ngadto sa atong Langitnong Amahan nga pun-on ang atong mga kasingkasing sa mas dakong gugmang putli—ilabi na niadtong lisod higugmaon—kay ang gugmang putli usa ka gasa gikan sa atong Langitnong Amahan alang sa tinuod nga mga sumusunod ni Jesukristo. …
Karon, maghisgot kita bahin sa hiyas. Ang Ginoo nagsulti kanato sa pagdayandayan og hiyas sa atong mga hunahuna sa walay paghunong. … Ang hiyas makapahimo sa tanang butang nga mas maayo ug mas malipayon! … Ang hiyas mopalingkawas kaninyo gikan sa makapabalaka, makahasol nga mga hunahuna. …
… Ang dakong oportunidad sa atong atubangan mao ang pagkahimong mga tawo nga gusto sa Dios nga kita mamahimo. …
… Dapiton ko kamo sa paghimo og tinuyo nga lakang sa pagpalambo sa inyong pagsalig diha sa atubangan sa Ginoo. Unya, kon kita modangop sa atong Langitnong Amahan uban sa dugang nga pagsalig, mapuno kita sa dugang nga kalipay, ug ang atong hugot nga pagtuo ni Jesukristo molambo. Magsugod kita sa pagsinati og espirituhanong gahom nga molabaw sa atong labing dako nga mga paglaom.