Sabado sa Hapon nga Sesyon
Personal nga Pagpangandam sa Pagsugat sa Manluluwas
Mga Kinutlo
Kon si Presidente Nelson maghisgot bahin sa Ikaduhang Pag-anhi, kanunay kining ubanan sa malipayon nga paglaom. Hinuon, usa ka batang babaye sa Primary bag-o lang misulti nako nga mabalaka siya kon mahisgotan ang Ikaduhang Pag-anhi. Siya misulti: “Ako nahadlok kay mahitabo ang daotan nga mga butang sa dili pa moabot pag-usab si Jesus.”
… Ang labing maayo nga tambag alang kaniya, alang kaninyo, ug alang kanako mao ang pagsunod sa mga pagtulun-an sa Manluluwas. …
Sa hapit na matapos ang Iyang mortal nga pagpangalagad, si Jesukristo gipangutana kon kanus-a Siya mobalik pag-usab. …
Ang Manluluwas miasoy og una sa sambingay sa napulo ka birhen. …
Ang importanteng leksiyon niini nga sambingay sa napulo ka birhen mao nga kita mga maalamon kon modawat kita sa ebanghelyo, magtinguha nga maangkon nato ang Espiritu Santo, ug maglikay sa paglimbong. … Buhaton gayod nato kini alang sa atong kaugalingon.
Dayon ang Manluluwas miasoy sa sambingay sa mga talento. …
Usa ka mensahe niini nga sambingay mao nga ang Dios nagdahom kanato sa pagpalambo sa mga abilidad nga gihatag kanato, apan dili Siya gusto nga atong ikompara ang atong mga abilidad ngadto sa abilidad sa uban. …
Sa kataposan, ang Manluluwas miasoy sa sambingay sa karnero ug sa mga kanding. …
Ang leksiyon sa sambingay sa Manluluwas sa karnero ug mga kanding mao nga kita mogamit sa atong mga gasa nga gihatag kanato—oras, mga talento, ug mga panalangin—aron makaserbisyo sa mga anak sa Langitnong Amahan, ilabi na sa labing nabantang ug nanginahanglan.
Ang akong pagdapit sa nabalaka nga bata sa Primary nga akong nahisgotan dili pa lang dugay, ug sa matag usa kaninyo, mao ang pagsunod ni Jesukristo ug sa pagsalig sa Espiritu Santo sama sa inyong buhaton sa usa ka minahal nga higala.