Elmen ad mour ilo laļ in im “doodļok men ko an laļ in”?

The Disciples Whom He Had Chosen, jān Casey Childs

Irooj eaar ba, “Kwo naaj likūtļo̧k men ko an laļ in, im kappukot men ko rem̧m̧anļo̧k” (Katak im Bujen Ko 25:10). Menin ejjab meļeļein bwe jen eļļo̧k jān aikuj ko an kanniōk im m̧weuk, ak ej meļeļein bwe jen jab likūt būruōd ioon m̧weie, kajoor, jikin eo, ak mālim an laļ in. Erkein jet iaan pedped ko em̧ōj katakin kōj kōn mour ilo laļ in:

Likūt men ko an Anij m̧okta. “Pukot ṃokta aelōñ in Anij, im kwōjarjar eo An” (Matu 6:33). Ilo būruōd im mour ko ad, kien ko an Anij im bujen eo ad Ippān rej jerbal ko ad m̧oktata.

Kappukot Ekatak: “Ilo am̧ ekkatak kōn laļ eo ipeļaakūm̧, ekkatak barāinwōt kōn Rilo̧mo̧o̧r. … Jon̄an ļapļo̧k in am̧ ekkatak, enaaj ļapļo̧k am̧ maron̄ kalōk aelon̄ eo an Anij im im̧we laļ in n̄an em̧m̧an eo” (N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kāālet Ko [2022], 31, 32).

Jerbal. “Jerbal ej juon pedped in katak an gospel in?” Ej kōketak kōj n̄an eddōkļo̧k im ekekeļo̧k. … Irooj ejjab kōņaan bwe jen kake wōt n̄an baam̧le ko ad ak n̄an ‘kanooj m̧ōņōņō in poub kōn tokjān’ [Katak im Bujen Ko 58:27]” (“Employment,” Topics and Questions, Gospel Library).