“Elmen aō maron̄ bōk kōjatdikdik im m̧aanjabpopo n̄an baam̧le eo aō ilju jekļaj n̄e laļ in ekanooj in kabweerer??”

“Irooj eaar kakien kōj n̄an timoon im wōrļo̧k im kaobrak laļ im kar kallim̧ur n̄an kōjparok kōj kōn bujen ko im jekkar kōmmani Ippān. Karōk eo an Anij eweeppān. Ijeļā bwe n̄e enaaj wōr nejū ajri—eļan̄n̄e inaaj pokake ta eo Eaar kakien eō—E ej pojak n̄an kōjeraam̧m̧an im kōjparok eō im baam̧le eo aō āinwōt n̄an māletlet eo An.”

Ziona O., 16, Hawaii, USA

“Ij lo kōjatdikdik n̄e ij kōjerbal tōmak ilo Anij im karōk eo An n̄an n̄a. Eļan̄n̄e laļ in ej kabweer, imaron̄ in oktakļo̧k n̄an E kōn aenōm̧m̧an. Kōjeraam̧m̧an in petriak eo aō ejipan̄ eō jeļā bwe Jema Ilan̄ ejeļāļo̧k kajjieō jen jabdewōt ro rej iakwe eō. Ej letok n̄an eō lōke eo bwe aolep men enaaj em̧m̧an.

Logan A., 16, Texas, USA

“Ej jipan̄ eō n̄an jeļā bwe Anij ej iakwe n̄a, ewōr juon an karōk n̄an eō, im enaaj jipan̄ eō ilo iien ko reppen. Ej brāinwōt jipan̄ n̄an jeļā bwe bujen ko aō rej liāp eō n̄an Kraist im letok n̄an eō juon iaļ n̄an kajoor im maron̄ eo An.

Lydie L., 18, Utah, USA

“Pukōt Lan̄lōn̄ ilo Kraist, jeje ko rekwojarjar, im ilo jar. N̄e jemaron̄ jeļā bwe ļōmak eo wōt eaorōk ej kōn Rilo̧mo̧o̧r, enaaj lukkuun kōm̧m̧an bwe en em̧m̧anļo̧k. Kōm̧m̧ani kāālet ko pedped ioon ļōmņak an ro ipeļaakid emaron̄ kipel kōj n̄an kōm̧m̧ani kāālet ko rejjab em̧m̧an.”

Cash P., 16, Utah, USA

“Jej aikuj likūt ad tōmak ilo Anij n̄an kōļapļo̧k juon kōlmenļo̧kjeņ em̧m̧an. Jemaron̄ bōk ad im̧we jān ro jet me em̧ōj aer anjo̧ jān wōt jekjek kein. Barāinwōt, kōjparok kien ko, eļaptata kien erreo im mour erreo, ej kwaļok juon pedped eo ekajoor n̄an kajutak juon mour eo ej kakūrm̧ool an juon baam̧le men̄e ewōr kabwer ko jān tulik.”

Divine O., 19, Lagos, Nigeria