Anjo̧ Ioon Kapan̄pan̄ ko N̄an Jar
Ewi wāween ad joļo̧k kapan̄pan̄ ko ad n̄an jar?
Kōmeļeļe in pija ko jān Andrew Bosley im Derek L. Smith
“Jar iien otemjej.” Rilo̧mo̧o̧r ej letok kōmeļeļe kein 10 alen ilo Katak im Bujen Ko Jej meļeļe bwe ejjab jim̧we—jejjab maron̄ lukkuun bukwelōlō im jar aolep iien rujtok—bōtaab jet iien epen em̧ool n̄an jar ruo alen juon raan! Elmen ad anjo̧ ioon kapan̄pan̄ ko?
Meļo̧kļo̧k: Kapan̄pan̄ eo
Kōj armej. Ej waļo̧k menin.
Juon uwaak:
Kobaik jar ko am̧ ippān bar juon men kwoj kōm̧m̧ane aolep raan, bwe n̄e kwoj ļōmņak kōn juon, kwoj ļōmņak kōn ro jet. Eļan̄n̄e kolukkuun erool laļin n̄an am̧ kōm̧m̧ani jar ko eļap meļeļeier ilo iien eo wōt n̄e kwoj rujtok ak m̧okta jān am̧ kiki, kapen jar ko am̧ n̄an raan im bon̄ōn ko tok jet me eļapļo̧k am mejān iruj, ko āinwōt būraje n̄ūūm̧ ak idaak uno. Ak kōm̧m̧an alarm ko ilo phone eo am̧!
Kapan̄pan̄ eo: Ejjeļo̧k jabdewōt n̄an ba
Ewōr ta n̄an ba ilo jibbon̄ n̄e aolepān men eo kwar kōm̧m̧ane jān jar eo am̧ āliktata ej kiki?
Juon uwak:
Ilo jibbon̄ kam̧olool Anij kōn kōjeram̧m̧an ko am̧ ekoba kajjojo armej ro rej kōjeram̧m̧an mour eo am̧. Jar kōn armej rein. Jiron̄ Anij ta eo kwar ļōmņake n̄an rainin im kajjitōk kōn tōl eo An. Ilo bon̄, ribootļo̧k. Jiron̄ E aolep men ko rekkar waļo̧k ilo raan eo im kwoj kam̧olool kaki, ko kwar ekkatak jāni, ak ko im kwar itok limo kaki.
Kapan̄pan̄ eo: En̄jake ko Renana
Bōlen kwoj en̄jake an jej tokjam̧ kōn juon men eo kwar kōm̧m̧ane—ak kwoj ļōmņak in kōm̧m̧ane. Bōlen kwollu ippān Anij kōn juon men. Bōlen ejjab em̧m̧an tam̧m̧ūm̧.
Uwaak eo: Baj jar wōt
Jabdewōt en̄jake ko am̧, Anij emaron̄ bōk aolepeer. Ejjeļo̧k juon elukkuun, lukkuun “jab erreo” n̄an jar, im ej devil eo ej kōņan bwe kwon ļōmņak menin (lale 2 Nipai 32:8). Jemam̧ ekōņaan ron̄ jar eo am̧ ejjab weppān, ejjab dedeļo̧k—kain eo kwoj make kwaļo̧k juon men ejjab kwaļo̧k Men Kilepep eo me kwojjab en̄jake in kōnono kake—jān ron̄ jān kwe n̄an jidik.