Ilo Iien eo Erub Būruom̧
Katak im Bujen Ko ej letok jipan̄ n̄e men ko rejjab jejjōt n̄an kwe.
Pija jān Luciana Abrão
Enan̄in ke kar rub būruōm̧? N̄a em̧ōj. Ilo m̧ool, ekar rup būruō wiik eo ļo̧k. Aaet—dānin kemjaaļaļ im aolep
Irooj eaar ba n̄an Josep Smith, “Kwōn ineem̧m̧an ilo en̄taan, bwe kwonaaj ioon elōn̄.” Oran̄ļo̧k. Ekar jab juon men eo em̧m̧an aō ron̄jake.
Ak kam̧oolol, jeje ko rekwojarjar rej wōnm̧anļo̧k wōt: “Ak niknik ie, bwe, lo, N̄aij pād ippam̧, em̧ool n̄an jem̧ļo̧k in raan ko am” (Katak im Bujen Ko 24:8, naan ko kar kobaiktok). EM̧M̧AN. Kaitok kūtuōm̧ nam̧ōjļo̧k.
Ilo aō ļōmņak kake, Ij loe bwe Irooj eaar pād ippa ilo aolep iien ko eaar rub būruwō. Erkein rej jet waanjon̄ak ko:
Ke ikar jab Bōk Baat eo …
Ke ikar 15 aō iiō, ikar kobaļo̧k ilo juon tieta ilo m̧ōn jikuul eo. Ikar kajjieon̄ bōk eddo eo an juon eo ej tōl, ikar jab bōk baat eo.
N̄an kōm̧m̧an bwe en nana ļo̧k wōt, rūkaki eo em̧ōj an kar ajeeji eddo dikdik ko, kōn menin ekkar ejjeļo̧k aō. Liin ekar kōm̧m̧an bwe in Student Director, im kōnke liin ekar nana an mour, liin ekar barāinwōt kōm̧m̧ane juon m̧ōttan kāāl—ikar aikuj etal n̄an ioon stage eo ium̧win 30 jōkōn āinwōt juon nun ejjab kōnono.
Aaet. Iaar jan̄.
… Irooj Ekar Kōkajoor Eō
Ilo aō reilikļo̧k, iaar lo bwe Rilo̧mo̧o̧ro̧r eaar jipan̄ eō ilo tōre eo eaar rub buruō. Ekkar kōkkajoor eō bwe in dāpij juon m̧wil em̧m̧an im kōļapļo̧k ettā. Ilo jem̧ļo̧kin, iaar lukkuun m̧ōņōņō kōn iien eo ikar pād ilo tieta eo an kūlaaj ruatimjuon.
“Jen kōm̧m̧ani aolep men kein ilo m̧ōņōņō ko im rej pād ilo ad kajoor; innām jen jutak pen, kōn jeļā ekanooj dim, n̄an lo lo̧mo̧o̧r an Anij,, im n̄an an kwaļo̧k Pein.” (Katak im Bujen Ko 123:17, naan ko kar kobaiktok).
N̄e Ikkure ko Rejjab Āinwōt Aō …
Ilo iiō eo aō āliktata ilo high school, iaar kōņan pād ilo kumi eo an varsity (ak juon eo etijem̧ļo̧k) ilo tennis. Ikar aikuj kaluuj leddik eo epād lōņū ilo iien eo em̧ōkaj tata n̄an pād ilo tiim eo. Bōtaab ke ikar ikkure ippān, ikar luuj.
Mekarta ekar rub buruō, ikar ikkure ilo junior varisty tiim eo. Ilo iien jiāe eo āliktata an junioir varisty, ikar pād ilo nōm̧ba juon. Ak kwojeļā ta? Ikar luuji jiāe eo āIiktata. Ikar jan̄—bar juon alen.
Ekar rub būruō bar juon alen. Ālkin ikar bōk juon mennin nebar kōn bōk grade ko rem̧m̧an im ikkure ilo ikkure ko, raar jokāālet n̄an bōk mennin nebar eo—kōnke ekar alikkar, ekar wōt n̄an ro me raar ikkure ilo varsity.
… Ekar Juon Iien eo, “Ekadu Kitien”
Ilo tōre eo, tennis ekar juon m̧en eļap ilo mour eo aō, im rup bōro ko ikar en̄jaki eļap. Ta eo ikkar jab meļeļe ej bwe Rilo̧mo̧o̧r eo ekkar pād wōt ippa, im jipan̄ eō. Rub bōro ko reļļap ekar jab aitok kitier, jekdo̧o̧n eļan̄n̄e ekar āinwōt n̄e ren kar.
“Aenōm̧m̧an en n̄an am̧; mennin jum̧ae kein am;im en̄taan kein am renaaj n̄an jidik wōt iien;; innām, eļan̄n̄e kwo naaj kijejetoiki em̧m̧an, Anij enaaj kotak eok ijo eutiej” (Katak im Bujen Ko 121:7–8, naan ko kar kobaiktok).
Ke ikar Kajjieon̄ Eļļo̧k Jān An Rub Būruō …
Jet iien, ij kajjieon̄ bwe in kar jab ļōmņake an rub būruō. Ke ekar 13 aō iiō im kar jab tōbrak aō pād ilo doulul in opija eo an rijikuuļ, ikar jab bar kajjieon̄ bar juon alen, mekarta n̄e ekkar juon men eo im en kar em̧m̧an ippa. Ikar bōjrak kōnke ikkar jab kōņaan bwe en bar rub būruō.
… Ikar Aikuj In “Jab Mijak”
Ikar aikuj in keememej bwe Irooj ej pād ippād, men̄e ilo iien ad rub būruōd. Jet iien men ko rejjab ad karōk, ak E emaron̄ jipan̄ kōj jelm̧ae en̄jake ko rejjab em̧m̧an im kajjieon̄ jet men ko rekāāl.
“Reitok n̄an Eō ilo ļōmņak otemjeļo̧k; jab pere, jab mijak” (Katak im Bujen Ko 6:36–37, naan ko kar kobaiktok).
N̄e Jerbale juon Mijen Ekkar Jab An kilaan …
Ālkin high school, ikar pepe in jerbale juon mijen. Bōtaab ekar wōt jet apan̄ ko ikkijien nan̄inmej ikar jab kōtmene me raar dāpij eō jān etal iien eo kar kōtmene eō.
Ikar aikuj in kijenmej, bōtaab āliktata n̄an ikar bōk kūr eo n̄an Mexico Guadalajara East. Ijo, iaar katakin elōn̄ armej ro rem̧m̧am im em̧ool kar jipan̄ er bwe ren peptaij. Ak mekarta kōn aō tōmak, pokake, im niknik in jerbal, ejjeļo̧k iaer rekkar niknik wōt ilo Kabun̄ in.
… Ikar Lōke ilo Ankilan Anij
Elōn̄ iien, iien ko an mour jejjab maron̄ kōjbwebweik. Ekar jab m̧ōkaj aō ņa mejļan jorrāān in nan̄inmej ko aō. Im ijjab maron̄ kipel ro jet n̄an mour kōn gospel in. Bōtaab imaron̄ lōke iien eo im wāween eo an Irooj.
“Kōn menin, kom̧in kokwōjarjar kom̧ bwe ļōmņak ko ami ren reilo̧k n̄an wōt Anij, im raan ko renaaj itok n̄e kom̧ naaj lo E; … im enaaj im enaaj, im ekkar n̄an Ankilaan make” (Katak im Bujen Ko 88:68, naan ko kar kobaiktok).
Ke Ekar Rub Būruō Wiik eo Ļo̧k …
N̄a ij juon eo erūtto kiiō. Bōtaab ewōr iien ej rub wōt būruō. llo m̧ool, wiik eo ļo̧k ikar etal n̄an juon iien kweilo̧k eļap n̄an ekkatak jeje. Ekar ļap aō lōke n̄a make kōn juon iaan jeje ko aō, bōtaab ikar bōk jet rup bōro ko jān rijeje ro jet.
… E Ekar Pād Ippa
Kiiō, ij kajjieon̄ in lōke Irooj eļapļo̧k. Bōro ko rerub rej m̧ōttan mour in. Ejjab meļeļein bwe kwoj kōm̧m̧ane juon men ebōd.
Kōn menin, ro̧o̧l likļak n̄an jeje ko rekwojarjkar jān kar jinoin. Aaet, emaron̄ wōr “elōn̄” ad en̄taan im bōro ko rerub. Ak ijeļā bwe Irooj enaaj pād ippa ilo aoleper. Im E enaaj pād ippam̧ bareinwōt.
“Kwon kijenmej ilo en̄taan ko, bwe kwo naaj iioon elōn̄; ak niknik ie, bwe, lo, N̄aij pād ippam̧,, em̧ool n̄an jem̧ļo̧k in raan ko am.” (Katak im Bujen Ko 24:8, emphasis added).