Im̧we kōn Jetōb
Jemedwōj Ilan̄ ekōņaan kōnono n̄an eok. Erkein wāween ko komaron̄ dāpij wōt kenono in.
Jem̧ōm̧ eo Ilan̄ ejeļā im ej iakwe eok. Ej ron̄jake eok n̄e kwoj jar, im E ej kōņan ekoko n̄an eok. Lo ekōjkan An ekōnono ej aorōk—im ej oktak n̄an kōj aolep. Bōtaab emakijkij, kwomaron̄ kile an Jemedwōj Ilan̄ kōnono n̄an ļōmņak eo am̧ im būruōm̧ n̄e kwoj im̧we—am̧ mour ilo mour eo am̧ im jerbal ilo tōmak.
Ekkejelļo̧k Wōt
Kwomaron̄ dāpij im kōpelļo̧k wōt kōtaan eo am̧ ippān Jemedwōj Ilan̄ kajjojo raan ilo am̧ jar ilo m̧ool n̄an E. Ekkatak naan ko An ilo jeje ko rekwojarjar. Ron̄jake im ļoore rijerbal ro An em̧ōj kāālet er— rikanaan im rijilōk ro. Im kajjieon̄ jon̄an wōt am̧ maron̄ n̄an kōjparok kien ko An.
Ekkejelļo̧k wōt ippān Jemedwōj Ilan̄ ej boktok m̧ōņōņō im un n̄an mour ko ad. Ej jipan̄ kōkkōm̧anm̧anļo̧k ad meļeļe karōk eo An im en̄jake An iakwe. Jej kile n̄e E ej ekōnono ilo ad kajjieon̄ dāpij wōt lukkuun ājmour in jetōb eo.
Pād Wōt
Ilo jeje ko rekwojarjar, Irooj ej kakememej kōj n̄an “pād wōt, im jeļā bwe n̄a Anij” (Sam Ko 46:10; bar lale Katak im Bujen Ko 101:16). Laļ in ej obrak kōn aen̄wān̄ im kōm̧ad ko, bōtaab Jemedwōj Ilan̄ ejjab koļap ak kauwaron̄ron̄. Ej kōnono ilo “juon ainikien e dik im e mera” (1 Kiin̄ Ro 19:12). Jemaron̄ n̄e jej pād wōt.
N̄an waanjon̄ak, pukot juon jikin eo e lur n̄an jar, bōk iien n̄an kapooļ eok kōn aibuojwōj in kōm̧anm̧an ko an Anij, ak joļo̧k am iien ilo al im pija ko rej lewaj im̧we. Men kein rej jipan̄ dāpij wōt an peļļo̧k kōļmenļo̧kijeņ im buruōd n̄an iien ko raorōk ippān Jemedwōj Ilan̄.
Ļoor Im̧we ko
Jemedwōj Ilan̄ ekkā an kōnono n̄an kōj ilo im̧we ko. Ak ewi wāween ad jeļā ilo alikkar eļan̄n̄e im̧we ko rej itok jān E? Rikanaan eo Mormon ej letok juon wāween tōl eo em̧m̧an: “Jabdewōt men ej karuwainene im karreel n̄an kōm̧m̧an em̧m̧an, im n̄an iakwe Anij, im n̄an jerbal n̄an E, ej kōketak in Anij.” (Moroni 7:13). Būreejtōn Gordon B. Hinckley (1910–2008) ekar ba: “En̄in ej juon teej, n̄e men eo de eo kar ba im kōm̧m̧ane. Ej ke kareel juon armej n̄an kōm̧m̧an em̧man, n̄an jutak, n̄an jutak wōt, n̄an kōm̧mane men eo ejim̧we, n̄an jouj, n̄an jouj? Innām ej jān Jetōb eo an Anij.”
Elōn̄ iien ko, juon im̧we enaaj n̄an “etal im kōm̧m̧an” (lale 1 Nipai 3:7) ak n̄an ba juon men. Ilo ad ļoor im̧we ko—eļaptata jinointata jej en̄jake—elōn̄ļo̧k en̄jake ko renaaj itok. Kōn menin, eļan̄n̄e kwoj en̄jake bwe kwoj aikuij ba ak kōm̧m̧ane juon men em̧m̧an im wōr tokjen, kōm̧m̧ane. Kapene bwe kwoj pād ilo iaļ eo ejim̧we ej itok n̄e kwoj kōm̧m̧ane juon men.
Wōnm̧aanļo̧k kōn Tōmak im Lōke
Kile iien eo Anij ej kenono ej juon wōnm̧aanļo̧k. Ebbōk tōmak im lōke jim̧or n̄an an Jemedwōj Ilan̄ naaj kōnono ippam̧ im jipan̄ eok kōm̧m̧ane eļapļo̧k jān am̧ maron̄ kōm̧m̧an kōn kwe make. Ebar aorōk n̄an keememej bwe Jemedwōj Ilan̄ ej lōke eok ejjab n̄an am̧ wōt kapukot tōl eo an ilo mour eo am̧ make ak n̄an bar kōjeraam̧m̧an im kotak ro ipeļaakim̧.
Ejjab aolep iien enaaj pād ippam̧ aolep uwaak ko. Ejjab kōtmene jān kwe. Ak kar rōjan̄ eok n̄an jerbal kōn tōmak. Ilo am̧ kōm̧m̧ane, kwonaaj lo bwe Anij emaron̄ kōnono ilo elōn̄ wāween ko jān am̧ maron̄ ļōmņak. Ālkin jet iien, Ainikien enaaj lukkuun alikkarļo̧k, tōl eo An enaaj lukkuun bōk jikin, im An pād n̄an jipan̄ eok erom ta eo E ejeļā kwomaron̄ erom.