Maja C.

Pija jān Christina Smith

Jinō im jema rekar jepel ke ej ruo jimettan wōt aō iiō. Ikajoor loļo̧k jema aolep allōn̄, im ke ikkar dik, menin eaar lukkuun limo. Ak ke iaar rūttoļo̧k, ekkar wōt jet am tarpok ko im ekar nana ļo̧k.

Ij keememej aō jan̄ ļo̧k n̄an jinō bwe ijjab bar kōņaan loļo̧k jema. Ekar ba, “Jar, im aolep men renaaj em̧m̧anļo̧k.” Im ikar.

Anij ekar jipan̄ n̄a im jema. Kiiō em̧m̧anļo̧k jemjerā eo am̧ro. Kōmij kōnono, im ej kūrtok eō n̄e ej etal n̄an laļ eo an, Macedonia, bwe in maron̄ kōnono ippān baam̧le eo aō ijōņ.

Jisōs Kraist ej aolep iien aō kajoor. N̄e ewōr apan̄ ko reļļap aō ilo jikuuļ ak m̧weo, E ekar aolep iien pād n̄an n̄a. Ikar en̄jake bwe E ej jipan̄ eō aolep iien.

Ij kam̧m̧oolol bwe jinō ekar kwaļo̧k eō n̄an Kabun̄ in im n̄an Anij, kōnke ej lukkuun kar jipan̄ eō eļap ilo aolepān iiō eo. Anij im Jisōs Kraist rej aolep iien reitok n̄an kōj.